ARAGON TRADICIONALISTA

Lei de luengas de nuevas (u de viellas)

2012-02-08T13:33:00.000-08:00

Prou que lo sabévanos. Oncecomités e asambleyas locals d’o PAR d’a zona oriental d’Aragon desigen a o guviernoregional que derogue, antes con antes, tota mencion a o catalan en a Lei de Luengas.Concretament, as asambleyas e comités locals d’Altorricón, Benabarre, Peraltade Calasanz, Fraga, Velilla de Cinca, A Codonyera, Ráfals, Fórnols, Beceite, Calaceitee Aguaviva demandan a o Guvierno d’Aragon que cumpla con os suyos compromisoselectorals. Asinas, demandan que en a Lei de Luengas se reconeixca que en Aragonse parlan dos luengas, espanyol e aragonés, e que, esta zaguera tiene diferentsmodalidaz perteneixents a dos dialectos: aragonés oriental, en a zona oriental d’aregion e altoaragonés, en a zona norte. Piden, ademés, que faiga disaparixer l’AcadémiaAragonesa d’a Luenga Catalana e, que si cal, se’n faiga un atra, que siga l’Académiad’a Luenga Aragonesa u Académia de Cultura Aragonesa.

Es regionalistas sinyalan que ya yeprou de prolargas e que cal que o Guvierno d’Aragon dixe deçaga os suyos miedose compleixos e apreve una Lei de Luengas Aragonesas que contará con o refirme d’amayoria absoluta d’as Cortes d’Aragon e con més d’o 90% d’o refirme d’os aragoneses;b’ha que reconeixer que ixo ye o que sinyalan totas as enqüestas e estúdiossociolingüisticos feitos sobre o tema.

Es Comités e Asambleyas d’o PARque sinyan esta demanda ricuerdan que o PSOE e a Cha aprevon a Lei de Luengas contasament un diputato més que a resta d’a cambra. Ricuerdan tamien, que agora,manimenos, PP e PAR tienen una mayoria absoluta prou més ampla.

Ángel Romero, president d’o PARde Fraga, ha dito que “pareix mentira que b’haiga gent a qui a cultura e osaber le ocupen puesto. Esto ye como si nos decisen que b’ha un trage debaturro ta tot Aragon e fésenos disaparixer toz os trages tipicos de cadacomarca e asinas suprimísenos o trage tipico d’Ansó, de Fraga u de Benás”. No iveigo a relacion, pero bueno, no ye ixo lo pior. O grau ye querer fer de dos luengas diferents —e dos realidaz sociolingüisticas mesmo més diferents— una unica; qualcosa que feriaimposible de tot qualsiquier progecto de revitalizacion lingüistica per humilque i fues.

Os regionalistas apuntan tamienque o PP d’A Codonyera refirma a suya iniciativa, perque “esto no ye solo unarevindicacion de PAR e PP sino que arrocla a la gran mayoria de vecinos e d’aragonesescomo s’ha comprevato en o nuestro lugar an que mesmo os sectors ciudadanos d’oPSOE han refirmato siempre as nuestras revindicacions devant d’o catalan”.

Precisament, a l’atro cabo desemana, o lugar d’A Codonyera acullirá una trobata de siete d’as asociacionsque treballan en esfensa de l'aragonés oriental.

Deseyo

2012-02-08T03:19:00.000-08:00

Qué querez que tos diga. Podrí escrivir sobre o progecto de lei que o guvierno de López apara en as Vascongadas ta enronar de diners a las victimas d'a policia. U podrí escrivir sobre as declaracions d'o ministro Ruiz refirmando o pseudomatrimónio aberrosexual. Declaracions que no han a almirar-nos mica si paramos cuenta que a semana pasata o guvierno d'o PP declarava asociacion d'utilidat publica a la Federación Estatal de Lesbianas, Gays, Transexuales y Bisexuales. Podrí escrivir tamien sobre as més de doscientas ninonas que, solo que en a província de Uesca, se troban en risque de sofrir mutilacion genital perque, no l'olbidez, l'islam ye una religion que predica a paz, a toleráncia, a libertat... Podrí escrivir sobre atras muitas cosas e denguna buena. Conque millor me callo e releigo a Kafka:

Wunsch, Indianer zu werden

Wenn man doch ein Indianer wäre, gleichbereit, und auf dem rennenden Pferde, schief in der Luft, immer wieder kurzerzitterte über dem zitternden Boden, bis man die Sporen ließ, denn es gabkeine Sporen, bis man die Zügel wegwarf, denn es gab keine Zügel, und kaum dasLand vor sich als glatt gemähte Heide sah, schon ohne Pferdehals und Pferdekopf.
FranzKafka Betrachtung (1912)

Que, si fa u no fa, viene a significar:

Deseyo, d’estar índio

Si uno podés estar índio, siemprepresto, cavalgando sobre un cavallo a las quatre suelas, con o cuerpo burniato erechumbelato per l’aire, d’espeso secutito sobre a tierra estremoleixita, dicaarrullar as espuelas, pues no farian falta espuelas, dica arrullar as riendas, puesno farian falta riendas, e tasament i veyés devant d’el que o paisage yera unapradera plana, ampliça, ya sin o cuello e sin a capeça d’o cavallo.

Perque, qué querez que tos diga, en b’ha de dias que a uno l’aganaria fuyir de tot e, como deciva o clasico, trobar un puesto anque meter os uellos e que no tot i siga ricuerdo d’a muerte.

Russell Palmer: Defenders of the Faith (1938)

2012-02-03T14:26:00.000-08:00

En 1936, l'editor e decumentalista norteamericano Russell Palmer emprencipó un viage per Espanya ta dar testimónio d'a Cruçata que o pueblo espanyol feva cuentra os enemigos d'a Fe e a civilizacion. Entre atras grabacions, rodó altalle o decumental Defenders of the Faith (Esfensors d'a fe) en l'anyo 1938, que estió emitito, sosprendentement, per TVE en o programa «El Laberinto Español», que dirigiva l'historiador Jorge Martínez Reverte. Grácias a ixa emision, podemos hue veyer-ne una cópia en youtube.

A pelicla ye, seguntes se conta en o prelogo d'a mesma, o primer decumental en color sobre una guerra, e tiene una valura historica inqüestionable. Imagens d'a retaguardia, de frents de guerra, d'accions aérias, de profanacions, u d'a eixemplariedat d'as mullers espanyolas fan que esta pelicla seiga una chiqueta alfaya, una cinta imprescindible ta revindicar a história e a memória, reals, d'un tiempo e un país.

Romance de Matias Pradas

2012-01-31T05:11:00.000-08:00

En una dentrata pasata, transcrivive una coneixita composicion de donya Ana Francisca de Bolea —una d'as poquetas obras en aragonés d'o sieglo XVII que nos ne son plegatas— mosicata per a Orquestina del Fabirol ta felicitar o Nadal a toz os lectors d'este quaderno de bitacora. Como a beluns les ha feito goyo de leyer cosetas en aragonés de fa bels sieglos —se coneix que no sabevan que se publicava altalle en esta luenga—, en esta ocasion,adedico a dentrata a un romance —tamien d'o sieglo XVII, tamien lingüisticament muito interesant— de don Matias Pradas que, ves-te-ne a mirar perqué, ye prou menos coneixito. U ixo me creigo. Cópio lo texto siguindo a version que proporciona o profesor Jesús Vázquez Obrador en o suyo articlo "Poesías en aragonés de la Palestra Numerosa Austriaca (Huesca, 1650): estudio lingüístico" Argensola: Revista de Ciencias Sociales del Instituto de Estudios Altoaragoneses, nº 92, 1981.

Ta qualsiquier dubda, leyez o devantdito —e sobrebueno— treballo de Vázquez Obrador que estúdia, ademés, un soneto anonimo, firmato con a embotada "Fileno, Montañés" e un atro romance —de donya Isabel de Rodas Araiz—; toz os tres publicatos en o libro Palestranumerosa austriaca, en la victoriosa ciudad de Huesca. (Uesca 1650) replegando as obras que se presenton en o certamen poetico, feito en a Seo d'ixa ciudat ta celebrar o matrimónio de Felipe IV con Mariana d'Áustria.

Del Licenciado MatíasPradas,

Vicario perpetuo deCariñena, natural de Zaragoça
Romance

Encara que nohe fablado

mai con ella,ni con él,

nueso Rei, ymi Señora

nuesa Reina(frescamén).

5 Y encara que en eija corte

güello niorella no entré,

para ver nioír usanças

de fablar asus Mercés.

Ya que a bocaplena, y plena

10 mi igreja de buena chen,

prego a Diosy canturriado

que El vosquiera mantener.

No por bellagolosina

del chubon,quen dan a quien

15 vos endone norabuenas,

lo millor quepueda ser.

Mas por puroy puro goyo,

quen bulle enmi peito fiel,

que de vuesasSeñorías

20 sen de goyen santamén.

Me arrisco afablar eijas

ilustríssimasque seds,

sin yo tenerpon ni mica

de bufón nide micer.

25 Que como seds los más grandes

Señores queel mundo tien

millor quehomes y mulleres,

Vucelenciasmende oireds.

Endemás que nosoi home,

30 yo tampoco, si mocets

y mocetas nomen mienten,

porque Moseñemen ven.

Digo, pues,las mis altezas

en nombre deDios y de

35 su Madre, Señores nuesos,

y encaravuesos, pardiez,

Que men de hefolgado muito,

luego que asaber plegué,

que comohomes y mulleres

40 vos seds marido y muller.

Yo quixera ser Arcánchel,

como el nuncio Garabiel,

a vuesas Maestades ido,

con un fillo cada mes.

45 Y para que eija buena casta,

de los dos de tanto prez

año por año a dozenas,

sen viera reflorecer

Dios vos la repare buena,

50 como yo len prego, amen,

para que almezquino mundo

de bendiciónfruito deds.

Y el goyo vosdé cumprido

dende luegocon fazer

55 que tengads en nueue meses

ungarridiello moced.

Y que comoflor herguida

de zafrán enel crexer,

lo veigads enuna noite

60 tocho de buena vellez.

Paragurdarlo os nembíe

suconseruador Rafel.

que a fe dequien soi vos churo

lo lleueadelán mui bien.

65 Endemás, si Rafelico

clamarel chicot quereds,

ahusadas,que el Anchel santo

voslo faga luego auer.

Enedad vos colle a entrambos

70 de endonarnos más de cien,

filloscabeças de Reinas,

fillascostiellas de Rei.

Recolled losparabienes

que osendonan todos, pues,

75 de aueros matrimoniado

tan linda ytan justamén.

Y de estosque yo os endono,

catad que noos olvideds,

que encaraque son tan planos

80 no son de itarles el pied.

Su poquiellode cabeça

sen lleuan, yen buena he

que a lomuito de eijas vuessas

basta yrebasta un poquet.

85 aquel que os las dio sabihondas,

pues sabe ypuede, vos dé

buenafortuna, que vale

muito más queel no saber.

Y a mí paraenfortunarme

90 en más campanudamén,

darosne otrasnorasbuenas,

de Cura menquiera fer.

Sin cuidarallenas vidas

reposadoSagristén,

95 que repique campaniellas

quatro aquatro u tres a tres.

Por brauasfortunas vuessas

y fillosvuessos que

la gloria detodo endonen

100 al que gloria en Cielo ye.

A justícia d'Almudévar

2012-01-25T02:36:00.000-08:00

No me digaz que no ye delicto: osagricultors d’os Monegros quieren regar os suyos campos, pero no quieren pasque les afoguen os suyos secarrals. Sí, os suyos secarrals, no pas os suyoslugars, con as suyas casas e tota la vida suya, solo que bels articaços conbella capitana e poco més.

L’embalse d’Almudévar naixió conun amplo consenso, a lo menos sobre o papel. Permitiva regar a Tierra Plana sincastigar més as maltractatas vals altoaragonesas que levan decadas e decadassufrindo tota mena de terror hidrologica. Pero, ospa, una cosa ye predicar e unatra dar trigo. Dende o concello d’o lugar dica o zaguer labrador d’o mesmo,toz ixos que s’emplenan a boca charrando d’o progreso, d’a necesidat de regar ed’os benefícios que alportan as obras de regulacion hidraulica a os lugarsafectatos —quan son en a Montanya— esgargamellan agora perque os ueito millonsd’euros que les dan per as suyas mil hectárias expropiatas —de secarral, repito—les pareixen poco. Esploramiqueyan tamien perque no bi ha un plan de restitucionta compensar as afeccions. Gemecan estes pobrez per a falta de sensibilidat d’asalministracions: nos n’hemos enterato per lo BOE, ronyan gullibaixosestes profesionals d’a subvencion.

Que charren con a gent de Janevasu de Mediano u de Tiermas u de qualsiquier atro lugar nuestro. Que charren conels e se los miren en os uellos. E que dimpués se callen. D’una santa vegata.

Creixen as enrestitas, creixen os fiels

2012-01-14T16:04:00.000-08:00

A salvage violéncia que per cadadia sufren os cristianos en muitos païses d’os cinco continents no fa quecreixer. O pasato dia 10, per citar-ne un caso recient, en l’archidiocesis deLahore (Paquistan), o guvierno d’a província de Punjab ha esboldregato ilegalment un compleixo catolico an que i heva una ilésia, un centro de Caritas —queaculliva a gent sin casa, viellos e pobretalla— e una escuela ta ninas emesajas. Seguntes ha informato o pair Emmanuel Yousaf, President d’a ComisionNacional de Justícia e Paz, o compleixo d’edifícios estió espaldato per maquináriapesata, con proteccion policial e baixo a inspeccion d’o primer funcionário d’oguvierno local. A protesta d'os cristianos no s'ha feito asperar, e a l'atro'l maitino ya se manifestavan cuentra esta nueva enrestita musulmana.

Manimenos, e a penar d’ixasmenaças, torturas e asesinatos —bels 100.000 martirs en 2011—, o mensage de GesuCristo per cada anyo plega en més coraçons. Asinas, e seguntes o estúdio anyal Status of global missions, feito en 2011, a Ilésia catolica conta con 1.160.880.000 fielsen tot lo mundo e no dixa de creixer: per cada dia 34.000 personas se i adiven.Per lo contrário, o numbro d’ateus —137.555.000 en tot lo mundo— baixa un dia al’arreu de la otro —2.100 ateus menos cada semana.

Sigamos vivindo con goyo a nuestrafe e sigamos reçando per es millons de germanos nuestros que fan d’a suya vida —emuerte— testimónio d’o Evangélio.

Carta a os Reis Magos

2012-01-04T14:45:00.000-08:00

No soi estato guaire bueno estianyo que plega de rematar, lo reconeixco. Asinas que si m'atrivo a escrivir una carta a las suyas Magestaz d'Orient, no he atro remeyo que estar realista —que no reyalista como lo serí si bueno i fues estato— e no pidir tot o que querrí. En conseqüéncia, no demandaré que una coseta: un guvierno t'as Espanyas parellano —si no igualet— a l'hongaro.

Con o nuevo anyo, Hongria ha recuperato o suyo nombre tradicional: Magyarország. Albandona, a la fin, a enatiça denominacion de Republica d'Hongria —Magyar Köztársaság— impuesta per as genocidas tropas sovieticas. A recuperacion d'o nombre yera prevista en a constitucion aprevata l'anyo pasato e que tamien s'ha feito valera este zaguer 1 de ginero. Una constitucion que ya s'emponderó en esta humil bitacora perque, entre atras cosas, inclui una referéncia exprisa a las radices cristianas d'o país, una esfensa exprisa d'o dreito a la vida —a vida d'o feto deberá estar protegida dende o momento d'a concepcion afirma literalment a carta magna—, una esfensa exprisa d'a família tradicional —guaráncia d'a pervivéncia d'a nacion—, una negacion exprisa d'a consideracion de matrimónio —una comunidat de vida alacetata en a decision voluntária d'un hombre e una muller— a las unions aberrosexuals; una referéncia e esfensa exprisa, a la finitiva, a la dignidat humana. Ricordemos as parolas con que emprencípia l'actual constitucion hongara:

Dios salve a Hongria.

Nusatros, o pueblo d'Hongría, conscients d'a nuestra responsabilidat, decimos o siguient a toz es hongaros, en este prencípio de milénio:

-Somos argüellosos de que o nuestro rei Estevan, santo patron d'Hongria durant mil anyatas, haiga estatuecito sobre buenos alacez a nuestra pátria, incorporando-la a la Europa cristiana.

-Somos argüellosos d'os nuestros avantpasatos, que se i fiçon e luiton per a libertat e a independéncia d'a nuestra pátria.

-Somos argüellosos d'os grans logros esprituals d'o pueblo hongaro.

-Somos argüellosos de que o nuestro pueblo haiga esfendito Europa durant mil anyatas e que as suyas valuras comunas s'haigan enriqueito con os suyos talientos e os suyos esfuerços.

-Reconeixemos o papel d'o cristianismo n'a pervivéncia d'a nacion.

E a cosa no s'ha quedato en una bofa estrolicadera. Per eixemplo, o guvierno de Viktor Orban, mesmo antes que no a constitucion se fes valera, ya emprencipió una campanya institucional ta achiquir o numbro d'albortos con anúncios que amonstran un feto e n'os que se i lei:

Entiendo que no seigas presta ta tener-me, pero podrevas dar-me en afillatura, ¡Dixa-me vivir!

Per ixo, esta tardi, mientres escriviva a carta a os Reis Magos, me'n alcordave de Sant Estevan, de Santa Gisela, de Sant Emerico, de Sant Ladislau, de Santa Isabel, de Santa Margarita e d'a nuestra reina Violant —a muller d'o buen rei Jaime I— me'n alcordave. E, mientres o Isten, áldd meg a magyart —Dios, bendiz a la nacion d'os hongaros, o suyo himno nacional— sentive, si no una monarquia tradicional con un rei legitimo, un guvierno no criminal —a lo menos— t'a mia Pátria pidiva.
Encara que o PP no siga o Fidesz ni os catolicos espanyols —teoricament muito més numbrosos— no sigamos como ixe 67.5% de catolicos hongaros que votan —seguntes pareix— con qualque més coheréncia que no nusatros.

Zaragoça per a vida

2011-12-29T12:26:00.000-08:00

Tamien ahiere, festividat d'os Santos Inocents, se fiçon en Aragon concentracions en esfensa d'o dreito a la vida e cuentra o crimen de l'alborto. En veyendo o siléncio d'os meyos de comunicacion, mesmo es regionals, sobre ditas actuacions, traduzco a informacion que sobre a concentracion de Zaragoça apareix en a pagina d'Alternativa Española, partito que ha convocato concentracions parellanas en atras ciudaz espanyolas.

O 28 d'aviento se fació, un atro anyo, una concentracion devant d'a clínica albortista Actur.
L'acto, convocato per Alternativa Española e a Plataforma Cívica de las Familias Cristianas, fue a las 19:30, a o mesmo tiempo que se producivan atras quince concentracions devant d'atras tantas clínicas albortistas d'atros puntos d'Espanya.
En o transcurso d'a concentracion se charró d'a nesecidat de refirmar a las mairs per parti d'as alministracions, ademés d'a nesecidat d'informar e explaniquiar clarament qué ye l'alborto e a drama que supone ta una muller.
Como coda, uno d'os asistents leyó un manifiesto an que s'instava a o nuevo guvierno de Mariano Rajoy a estar valient e rematar con l'alborto en Espanya, a fomentar as aduyas a la maternidat e l'adopcion e animava a os presents a no revlar en a luita per lo dreito a la Vida.
(Fuent: Alternativa Española)

Manifiesto per a derogacion d'a "Lei de Memória Historica"

2011-12-29T04:20:00.000-08:00

Esta humil bitacora comparte —si no tot, buena cosa sí— o manifiesto que o Foro Historia en Libertad ha feito publico e que contino se i traduz ta l’aragonés per si belun se i quiere adivir:

Quatre anyatas dimpuesas d’a suya promulgacion, o Foro Historia en Libertad quiere fer un clamamiento publico ta aconseguir a derogacion d’a clamata Lei de Memória Historica (Ley 52/2007, de 26 de diciembre, por la que se reconocen y amplían derechos y se establecen medidas a favor de quienes padecieron persecución o violencia durante la Guerra Civil y la Dictadura).

Sin responder a una verdadera nesecidat en o suyo origen, nos creyemos que l’efecto de l’avantdita mida ye estato afundar as diferiéncias entre os espanyols, resucitar ódios ya rematatos e reubrir unas feritas que yeran cicatrizatas tiempo have. Tot ixo perque o suyo espritu ye presidito per un deseyo de revancha que falsifica o proceso historico en sintonia con nesecidaz politicas que no han res a veyer con a História.

Como no pueden fer-sen “verdat historica” —a traviés d’o BOE— qüestions que son sogetas a la opinión d’es profesionals d’a matéria, o Foro Historia en Libertad refusa per prencípio que qualsiquier parlamento u organizacion allena a las instáncias historicas u intelectuals s’atribuiga competéncias sobre a matéria. Tampoco no podemos compartir as presions que se son feitas enta institucions d’esta naturaleça como a Reyal Académia d’a História.

A diferiéncia d’atras posicions que no compartimos, no ye a nuestra intencion prescribir l’oblido como actitut d’os espanyols devant d’o pasato. Tot o contrário, pretendemos que se ricuerde a História, ixo sí, con dos puntualizacions neseçárias: que esta s’asuma integrament, e no dende una envista de parti; e que o pasato no faiga parti d’o debate politico sino que permaneixca en os terminos que pertocan a la suya naturaleça.

L’anterior Guvierno e os suyos sócios parlamentários creon a ficcion de que o sistema politico valero fa forcallo con a presunta legalidat d’a II Republica, aladiando o verdadero origen d’a present situacion. E, en qualque aspecto, se logron reproducir bels caracteres sectários e totalitários de l’avantdito regimen republicano que han menaçato con rinovar belun d’os més disgraciatos episódios d’a nuestra história contemporánia.

Estraliata dita pretension en as urnas o zaguer 20 de noviembre, nos creyemos que no b’havrá regeneracion posible ni Espanya logrará salir d’a funda crisis an que bi ye (e que va muito dellá d’o economico) si —entre atras midas— no se procede a fer marchar as ainas parlamentárias que permitan a inmeyata derogacion d’a mal clamata Lei de Memória Historica.

Ademés, ta privar una contina inércia en os critérios aplicatos en este campo, proponemos que se faigan os trangos neseçários ta que os usos publicos d’a história seigan ogeto d’una legislacion d’alcuerdo con o que ocurre en os païses d’a nuestra redolada, de traça que as iniciativas guvernamentals a o respective queden a la marguin d’as consignas d’os partidos e no se permita una restriccion a las libertaz publicas que vaiga dellá d’a proteccion d’es dreitos d’a verdat e l’honor.

Si belun quiere leyer o texto original u saber qualcosa més sobre o Foro Historia en Libertad no ha sique punchar sobre este vinclo.

Per qué no te callas?

2011-12-28T03:22:00.000-08:00

O perjuro que s’entrepuça con aspuertas d’o suyo palácio recullió ahiere una grandiça ovacion de parti de belsseicientos privilegiatos que viven, tamien els, como reis a penar d’a crisisque han contribuyito a trayer.

O nuevo Herodes —més d’un millone meyo d’albortos feitos grácias a las leis que, satisfeito e de buen implaz,ha firmato l’abraçador d’asesinadors— mesmo s’emocionó devant d’o carinyo que l’amostronos que treballan, tamien els, per crepar Espanya.

L’amigo d’os Albertos, de MarioConde u de Manuel Prado y Colón de Carvajal, no saveva si plorar uesmelicar-se-ne per a reaccion que os suyo mensage d’austeridat e decéncia prevocóen os que s’ajuntan con empresários en benzinerias, s’enreligan en retes decorreyas e bigoz u se benefícian con os diners d’os ERES.

O suegro d’Urdangarin charró d’aconfiança en as institucions mientres os seicientos privilegiatos pensavan enqué nuevo fiscal general podevan nombrar u a quí proposar como nuevos miembrosd’o Tribunal Constitucional ta que se i contine aprevando reformas estatutárias,legitimando partitos pro-etarras u sinyalando a constitucionalidat d’as unionsaberrosexuals.

O que se’n fa a rialleta quan parla con os independentistas, ascuitó ploramicoso os chilos de viva el rey(sic) que, devant d’as suyas sinceras parolas de patriotismo, no pudon privar osque pactan, tamien els, con separatistas.

A la fin, l’almirador de Rodríguez—aconortato per l’amor que le profesan os que s’enriqueixen grácias a o sistemaque a suya traiduria nos impuso— se’n tornó t’o suyo palácio a siguirentrepuçando-se con as puertas.

Reço

2011-12-27T04:22:00.000-08:00

Reço per es nuestros germanos. Es nuestros germanos de Nigéria, es nuestros germanos d'Egipto, es nuestros germanos de Palestina, es nuestros germanos de China, es nuestros germanos de Coreya d'o Norte, es nuestros germanos d'Iraq, es nuestros germanos d'a Índia, es nuestros germanos de Somália, es nuestros germanos d'Eritreya, es nuestros germanos de Paquistan, es nuestros germanos d'Iran, es nuestros germanos de Turquia. Reço per toz es catolicos engalçatos per l'islam, per lo comunismo, per l'hinduïsmo, per lo sionismo. Reço per toz os catolicos que, con o suyo sacrifício, nos ensenyan a vivir a fe con o goyo e a valentia neseçária. Reço perque en 2012 o mensage de Cristo contine alimentando l'asperança en toz os cantons d'o mundo. Reço perque se dixe d'asesinar a os que testimónian ixa asperança. Reço perque a nuestra indiferiéncia no nos faiga complices de toz ixos crimens.

O concello d'Almassora rectifica

2011-12-21T03:07:00.000-08:00

Como decive en atro mensage, cal reconeixer os aciertos. Ve-te-me un atra iniciativa d’o PP que calaplaudir: l’avenita d’Almassora que se clama Avinguda de la Corona Catalanoaragonesa(sic) pasará a clamar-se, dende l’1 de ginero, Avinguda de Híjar. L’alcuerdolo prenió ahiere o concello con os votos favorables d’o PP, que presentava ainiciativa, e d’o Bloc, que la refirmó encara que en 2003 yera estato un d’ospartitos que adopton a enatiça denominacion devantdita. ¿Saben vustés quí se iopuson? Prou que sí: o PSPV. O suyo portavoz, Joan AntoniTrenco, afirmó, sin mica vergüenya, que o termino Corona Catalanoaragonesaye historico de tot e que asinasapareix en qualsiquier manual d’a ESO (no, no se’n ridan vustés de l’argumentod’autoridat alportato) u en a Enciclopédia Catalana (tampoco no se’n ridan,per caridat), an que, sinyaló l’erudito socialista “no apareix o nombre Coronad’Aragon”. Increyible pero cierto.Manimenos, ¿qué podeva asperar-se d’un partito que se fa clamar PartitSocialist del País Valencià?

Vixca lo Regne!

Amargosa memória

2011-12-20T16:02:00.000-08:00

Quan o PP fa qualcosa buena, bi ha que reconeixer-les-ne, encara que la faigan a retepelo. Asinas que, esta vegata, aplaudo a iniciativa d'a consellera de cultura d'o guvierno regional de dixar de financiar o programa Amarga Memoria (sí, amargosa memória) que, dende 2004, malfurriava os nuestros diners en fomentando l'ódio e a mentira. Si creyen que desagero, pueden leyer as asociaciacions e particulars beneficários d'as subvencions en 2011 e os progectos que fevan:

-Javier Escartín Sesé: Investigación “Memoria oral y gráfica de la asistencia social aragonesa” 2.080,00 €

-Gabriela Sierra Cibiriain: Investigación “La transición en Aragón. Entrevistas para la reflexión” 5.760,00 €

-Fundación Sindicalismo y Cultura: Publicación “Comisiones Obreras” de Miguel Ángel Zamora Antón 4.000,00 €

-Sergio Calvo Romero: Investigación “Una década de oposición estudiantil en Zaragoza, 1965-1975” 2.796,00 €

-Asociación Cultural Más Faena: Documental “Una higuera sin hojas” 8.000,00 €

-Fundación Bernardo Aladrén: Publicación “Sindicalismo y magisterio en la FETE durante la II República en Aragón” 7.760,00 €

-José Ángel Ramírez Compés: Exposición “Memoria, exilio y deportación” 5.840,00 €

-Asociación para la recuperación de la memoria histórica de Aragón: Jornadas nacionales sobre la recuperación de la memoria histórica en Zaragoza 10.660,00 €

-Francisco Javier García Calvo: Investigación sobre expedientes que afectan a bienes muebles durante la guerra civil y la posguerra realizados por el servicio de defensa del patrimonio nacional 7.899,73 €

(Fuent: BOA 111, 08/06/2011).
Per no charrar d'as conferéncias, jornatas e congresos organizatos, es libros e audiovisuals editatos, as exposicions amontatas u as subvencions conceditas a concellos e comarcas (no solo per lo guvierno regional, tamien per as diputacions provincials) e que fan puyar l'amiro de diners malfurriatos dic'a obscenidat més absoluta (leigan vustés os datos d'a própia conselleria en o suyo puesto oficial)

O unico que me pena d'a decision d'a consellera ye que l'haiga presa exclusivament, ella mesma ha quiesto dixar-lo muito claro, per raçons economicas, no pas ideologicas.

L'aclaracion yera escusata, prou sabévanos que o PP no tiene garra valura que esfender.

La pela és la pela

2011-12-19T01:30:00.000-08:00

En a zaguera dentrata que escrivié sobre os biens sacros aragoneses retenitos ilegalment en Catalunya, decive que “este ye un aferque, igual como ixas larguiças séries que aborreixen as tardis televisivas,puede recuperar-se dimpués de bels meses sin garra problema, tot contina comodinantes, como quan lo dixés.” Posm’entivocave: a manca de vergüenya de bels bispes catalans no coneix mida esupera tot l’esmaginable. Leigan vustés a zaguer notícia sobre o tema.

L’avogato JorgeEspañol, que representa os concellos de Berbegal, Peralta d’Alcofea eVillanueva de Sigena, denunciará a o Bispato de Lerida per cobrar, siemprepresuntament, 20.096,08 euros per diferents servícios feitos a o Museu Comarcale Diocesano de Lerida, entre atros l’asesoramiento juridico. Presenta comopreva l’avogato una factura emitita per lo bispato o 23 d’aviento de 2002cuentra o museu per l’asesoramiento juridico-alministrativo, d’investigacionhistorica e per a esfensa d’a integridat d’a coleccion artísticad’o museu entre l’1 de ginero e o 23 d’aviento de l‘anyo devantdito. Estadecumentacion ha apareixito durant a investigacion feita per lo Juzgatod’Instruccion numbro 2 de Lerida respective a las supuestas subvencionsrecibitas per lo museu.

Ye menisterricordar que, entre atras cosas, o Bispato de Lerida, una entidat canonica sinanimo de lucro, no puede fer servícios juridicos retribuyitos, e menos sincobrar a IVA (que ni sisquiera apareix en as facturas), perque l’asesoramientojuridico en Espanya ye un quefer exclusivo d’es avogatos e bi ha que estar datod’alta en o impuesto d’actividaz economicas ta desembolicar-lo. Seguntes Jorge Español, as facturas no las firma garra avogato, sinoJuan Ramón Ezquerra, mosen e vicário general d’o bispato leridano.

Me pareixsimplament inalmisible que l’alministracion publica catalana no faiga servir os suyosservícios juridicos e pague diners a qui no deve per unas funcions que no puedeexercer. A Lei de Subvencions vieda de tot subvencionar l’asesoramientojuridico, pos cada un ha a pagar-se os suyos própios pleitos. E ye més que tristeo que sinyala Español: Queda claro, conestas facturas, que el origen del problema no son las administraciones públicas,como el Obispo Piris viene proclamando, sino el mismo Obispado de Lérida,verdadera punta de lanza del problema, que hasta cobra a las administracionespúblicas para evitar la devolución de las piezas al Obispado deBarbastro-Monzón.

Ye triste eincreyible que o Bispato de Lerida cobrás −presuntament− a las mesmas administracionscatalanas ta privar a tornata d’os biens aragoneses a suyos duenyos, qualcosacontradictória de tot con os mandatos recibitos d’a Santa Siede.

Buen Nadal 2011

2011-12-16T09:49:00.000-08:00

Estianyo, como felicitacion de Nadal, un villancico de donya Ana Francisca Abarca de Bolea, d'o suyo libro Vigilia y octavario de San Juan Bautista (Zaragoza, 1679), que, como ya sabez incluyiva bellas composicions en aragonés, qualcosa que, disgraciadament, tampoco no yera guaire habitual en o sieglo XVII.

Albada al nacimiento

Media noche era por filos,
as doce dava el reloch,
quando ha nagido en Belén
vn mozardet como vn sol.

Naçió de vna hermosa Niña,
virgen adú que parió,
y diz que dexó lo cielo
por este mundo traydor.

Buena gana na tenido
pues no len agradejón
aquellas por qui lo fizo
y bien craro lo beyó

En fin, naçió en vn pesebre,
como Llucas lo dizió,
no se enulle si le dizen
que en as pallas lo trobón.

Dízenlo Pasqual y Bato,
Bras y Chil y Mingarrón
y lo mayoral Turibio
que ellos primero lo bión.

Llevaronle os pastores
de crabito y naterón
dos mil milenta d'aquellas
de que o Niño se folgó.

Entre vn buey y entre vna azembla
con muyto goyo nazió;
aunque de ver tal socesso
diz que Ababuc se espantó.

O santo viello Chusepe
contento estava, por Dios,
adú que antes estió triste,
porque no trobó mesón.

Listos andan os ancheles,
del cielo al suelo vajón
cantando: "Gloria en os cielos
y paz en a tierra a toz".

Toz la claman buena noche,
dirálo la colazión
y lo tizón de Nadal
que ye nombrado tizón.

Diránlo los villanzicos
y diránlo los cantors,
dirélo yo que m'enfuelgo
de repiquetiar a voz.

A su madre y a Chusepe,
pus lo merezen os dos,
darezle a norabuena
deste fillo que tenión

Tamien podez ascuitar a version que d'o villancico en fiço a Orquestina del Fabirol en o suyo disco Albada al Nacimiento (Zaragoza, 1996).

Lo dito: buen Nadal, amigos, ta vusatros e os vuestros.
En Cristo Rei un abraço.

Més vergüenyas d'o PP

2011-12-13T11:10:00.000-08:00

No, no charraré de cómo o PP fináncia as clinicas abortistas en as comunidaz an que guvierna (que en son muitas). Ni sisquiera charraré d'o juício d'os trages (¿no b'heva atras raçons ta judgar a Camps u qué?). No, no'n charraré pas. Charraré d'atras dos qüestions, talment menors, pero que refleixan prou bien a falsedat d'o patriotismo d'o PP (per si belun encara se crei que o PP ha esfendito nunca a nacion espanyola).

Charraré de cómo s'agenullan Arenas e Zoido devant d'o molimento a l'apostata e anti-espanyol Blas Infante e l'homenagean como pair d'a pátria andaluça. Charraré de cómo Zoido, en ixe mesmo homenage, se define como nacionalista andaluz e fa buena pacha con a filla de l'infame (que, cómo no, preside una fundacion con o nombre de su pair). Charraré de como bi esfendevan ixe drapo que claman bandera e andaluça. Charraré de cómo ofienden a história e a dignidat d'os andaluces de bien.

Dimpués beluns s'almiran de o PSOE seiga estato lo partito més votato en a província de Sevilla. Seran os mesmos que ni tartion quan o PP votó a reforma d'o estatuto d'Andalucia an que se declarava a l'infame Blas, oficialment, pair d'a pátria andaluça. Os mesmos que aplaudion quan Arenas fació una vehement esfensa de Blas infame devant d'uas declaracions radiofonicas de Vidal-Quadras

Charraré tamien d'una avenita que bi ha en Almassora (Castellon) e que se clama avinguda de la corona catalanoaragonesa. Sí, han leyito bien: corona catalanoaragonesa. E en Almassora,que estió reconquistata per lo rei Jaime I qui, o 15 d'agosto de 1237, le concedió fueros e costumbres de Burriana; cal ricordar que o mesmo rei concedió a Burriana a suya carta puebla a fuero de Zaragoça.
¿Saben qui guvierna dende fa decadas en o concello d'Almassora? Sí, o PP; ixe partito que tanto ama a Espanya.
Ye a hora d'a reaccion.

Ave Maria, gratia plena

2011-12-07T02:16:00.001-08:00

Prou que, comocatolico e espanyol, yo no celebré garra fiesta ahiere. Prou que, como catolicoe espanyol, yo celebraré manyana a fiesta d’a Inmaculata Concepcion d’a VirgenMaria. Perque manyana ferá 157 anyos que o Papa Pio IX proclamava, como dogmade fe de traça definitiva, o que a tradicion popular veniva sustenendo dendel’empencípio d'a Ilésia:

Declaramus,pronuntiamus et definimus doctrinam, quae tenet, beatissimam Virginem Mariam inprimo instanti suae conceptionis fuisse singulari omnipotentis Dei gratia etprivilegio, intuitu meritorum Christi Iesu Salvatoris humani generis, ab omnioriginalis culpae labe praeservatam immunem, esse a Deo revelatam, atqueidcirco ab omnibus fidelibus firmiter constanterque credendam.

(IneffabilisDeus, 8 d'aviento de 1854)

Per lo que fa a lahistória d’a nuestra nacion, nos trobamos que, ya en o XI Concílio de Toledo, orei visigodo Wamba se titolava «Esfensor d’a Puriça Concepcion de Maria», fendoasinas una tranya que siguirian atros muitos reis hispanos. Monarcas comoFernando III o Santo, Jaime I o Conquistador, l’emperador Carlos I u o suyofillo Felipe II estion fiels devotos d’a Inmaculata e portion o suyo sinyaln’as suyas campanyas militars.

En 1384, don Juan I, reid’Aragon, mandó que se celebrás a fiesta d’a Concepcion Inmaculata en toz osestatos d’a suya obediéncia liberatos d’o juvo islamico.

Dende o sieglo XIVb’ha en Espanya referéncias de cofradias naixitas en honor á la Inmaculata. Os Reis Catolicos don Fernando e donya Isabel yerancofrades d’a Cofradia d’a Puriça Concepcion d’a Preservata Virgen, e lo estionigualment muitos atros monarcas, como o suyo nieto Carlos I, Felipe V, FernandoVI, Carlos III u Car1os IV. Per ixo no ye d’almirar que tozos reinos d’as Espanyas celebremos a Inmaculata comopatrona e protectora dende 1644.

Sanguis martyrum, semen christianorum est

2011-11-28T03:17:00.001-08:00

Hue ye o cabo d’anyo d'o fusilamiento d’o dramaturgo espanyol Pedro Muñoz Seca, asesinato per as fuerças republicanas en a matança de Paracuellos. O suyo crimen: estar catolico.

Igual como el, e solo que en Paracuellos, 8354 mártirs estion executatos. O numbro lo da L’Archivero-Historiador d’a Real Academia de la Historia, Arsenio de Izaga, en a suya obra Los presos de Madrid. Recuerdos e impresiones de un cautivo en la España roja (Madrid 1940).

De Izaga, preso en a Cárcel Modelo −an estió testigo d’as sacas d’os dias 7, 8 e 9 de noviembre− e evacuato dimpuesas t’a Cárcel de Ventas, nos ha dixato en ixas paginas un eixemplificador testimónio d’a valura de toz aquels mártirs:

“Ninguno renegó de sus convicciones religiosas y patrióticas. Ninguno dio la más leve prueba de vacilación ni de flaqueza. Todos se negaron a prestar adhesión al régimen que los estaba envileciendo, a pesar de que se les ofrecía como único medio de salvarse. Todos se animaban entre sí, y oponían a las blasfemas imprecaciones de sus verdugos, su fe de creyentes y su altivez de españoles. Todos recibían la helada caricia de las balas como el galardón eterno que el Cielo les tenía prometido y el beso que la Patria imprimía en sus frentes de Cruzados. Y no se había extinguido el eco de la última descarga, cuando aún resonaba en el espacio su vibrante grito, ¡Viva Cristo Rey! ¡Viva España!."

Agora, quan no fa que tres dias que o guvierno en funcions de Rodríguez ha concedito atros 5.6 millons d’euros a ixas asociacions que fan pocha de l’ódio e a mentira, ye menister que toz nusatros honremos a verdat. Espanyols, perdonaz; pero no olvidez:

Adiós pPSOE, bienvenito PPsoe

2011-11-20T14:01:00.001-08:00

Bueno, prou que ixo de bienvenito no ye que una licéncia literária.Igual como l’adiós d’o pPSOE tampoco no ye una ita. Perque, e ixo ye o grau,aquí no se’n va dengun. Aquí se’n quedan toz. A siguir estricallando a Pátria.

Ya lo deciva GiuseppeTomasi di Lampedusa en Il Gattopardo: Se vogliamo che tutto rimanga come è, bisogna che tuttocambi. Ixe ye o lema d’o sistema: Si queremos que tot continecomo ye, cal que tot cámbie. Tenemos devant atras quatre anyadas ta siguiresvolustrando-nos en o fiemo, ta siguir alfonsando en a vasuera, ta siguirespiritando en a mierda. E ya en van trenta e seis, dende ixe atro 20-N.

Torna o PPSOE, perque nunca no se’nye ito. No ye a hora de l’asperança bofa, d’o goyo infantil, de l’autoenganyosimplot. Ye a hora d’a reaccion,

Tres Asayos Sencillos de Maurin

2011-11-14T03:27:00.001-08:00

Encara que, intelectualment, a obra de Peter Maurin ye pro més inferior que a de pensadors de l’altária de Chesterton u Belloc −a qui pren como alacet d’a suya envista d’a economia−, vitalment o suyo heréncio ye digno d’acobaltar.
Naixito de Burdeus en 1877, Peter Maurin estió o caganiedos d’una família de labradors pobres d’o sur de Fráncia que tuvon 21 fillos. Emigró ta Canadá en 1908, d’an que pasó t’os Estatos Unitos ta, a la fin, acoflar-se en Nueva York, an que vivió dic’a suya muerte en 1949.
En o periodico The Catholic Worker, que emprencipió a editar en 1933 junto a Dorothy Day, publicó una série de chiquetas composicions, que clamó Easy Essays. Con estos textos, breus e de buen leyer, aduyó a espardir en Norte America o distributismo d’es devantditos Chesterton e Belloc e a doctrina social d’a Ilésia inspirata en a Enciclica Rerum Novarum d’o Papa Lion XIII.
Dellá d’a suya valura literária, o contenito moral d'os Asayos Sencillos fa que sigan estando chiquetas reflexions plenas d’actualidat. Ve-te-me tres eixemplos:

O QUE FA A L’HOMBRE HUMANO.
1. O dar e no lo prener
Ixo fa a l’hombre humano
2. O servir e no lo guvernar
Ixo fa a l’hombre humano
3. L’aduyar e no l’aplanar
Ixo fa á l’hombre humano
4. L’alimentar e no l’avalar
Ixo fa a l’hombre humano
5. E si ye menister
O morir e no lo vivir
Ixo fa a l’hombre humano
6. Es Ideyals e no es alcuerdos
Ixo fa a l’hombre humano
7. O Credo e no l’angrúcia
Ixo fa a l’hombre humano
WHAT MAKES MAN HUMAN// 1. To give and not to take/ that is what makes man human. / 2. To serve and not to rule/ that is what makes man human. / 3. To help and not to crush/ that is what makes man human. / 4. To nourish and not to devour/ that is what makes man human./ 5. And if need be/ to die and not to live/ that is what makes man human./ 6. Ideals and not deals/ that is what makes man human. / 7. Creed and not greed/ that is what makes man human. //

ILÉSIA E ESTATO
A sociedat moderna creye
en a deseparacion d’a Ilésia e o Estato.
Pero es jodigos
no hi creyevan,
es griecos
no hi creyevan,
es meyevals
no hi creyevan,
os puritanos
no hi creyevan.
A sociedat moderna ha deseparato
a Ilésia d’o estato,
pero no ha deseparato
o Estato d’o negócio.
A sociedat moderna no creye
en un Estato d’a Ilésia,
creye
en un Estato de l’hombre de negócios.
“E ye a primer vegata
en a história d’o mundo
que l’estato ye controlato
per es hombres de negócios,
dice James Truslow Adams.
CHURCH AND STATE// Modern society believes/ in separation of Church and State./ But the Jews/ did not believe in it,/ the Greeks/ did not believe in it,/ the Medievalists/ did not believe in it,/ the Puritans/ did not believe in it./ Modern society has separated/ the Church from the State,/ but it has not separated/ the State from business./ Modern society does not believe/ in a Church’s State;/ it believes/ in a business man’s State./ “And it is the first time/ in the history of the world/ that the State is controlled/ by business men,”/ says James Truslow Adams.

SECULARISMO
Quan a religion no tiene res a veyer
con a educacion
a educación no ye que informacion
plena de feitos
e lasa d’entendimiento.
Quan a religion no tiene res a veyer
con a politica
a politica no ye que partidismo—
“Saquemos a es barfulaires
ta que puedan dentrar os buenos amigos nuestros”.
Quan a religion no tiene res a veyer
con es negócios,
es negócios no son que mercantilismo.
E quan a religion no tiene res a veyer
con a educación, a politica u es negócios
se tiene a la religión d’as cosas ocupando
o puesto d’as cosas d’a religion
SECULARISM
When religion has nothing to do with/ education,/ education is only information,/ plenty of facts/ and no understanding./ When religion has nothing to do with/ politics,/ politics is only factionalism—/ “Let’s turn the rascals out/ so our good friends can get in.”/ When religion has nothing to do with/ business/ business is only commercialism./ And when religion has nothing to do with/ either education, politics or business,/ you have the religion of business taking / the place of the business of religion.

Pérez vs. Rajoy

2011-11-07T08:23:00.000-08:00

No, no charraré d’o debate d’esta nuet. Encara que o debate ixe nos coste 550.000 euros, no’n charraré pas. Entre atras cosas, perque esta nuet no b’havrá garra debate. Esta nuet b’havrá, como muito, dos monologos —con pro menos grácia que os charraços d’o club d’a comeya— entre dos amiguez que se pareixen arrienda. Dos amiguez que como dos gotichonas d’augua se pareixen. Tanto se pareixen que quasi clons i son.Fez-le, si no, una golladeta á o suyo curriclo. Mira-tos, per eixemplo, es cargos que han ocupato n’o Guvierno d’Espanya. Estes dos —e con parellana e apatusca estrúcia— son estatos vicepresidents, ministros d’a presidéncia, ministros d’educacion, ministros d’interior. Asinas tiene a nuestra jovenalla o livel educativo que tiene. Asinas tienen as nuestras carreras o livel d’inseguridat que tienen.Conque no, no charraré pas d’o debate d’esta nuet. Entre atras cosas, perque esta nuet no b’havrá garra debate. Esta nuet b’havrá, como muito, dos monologos —con pro menos grácia que os charraços d’o club d’a comeya— entre dos amiguez que no no han feito atra cosa que vivir —folgadament e durat anyatas— d’a politica. Dos amiguez que no coneixen mica a situacion d’o país que han contribuyito á estricallar, a situacion d’o país que —de buen implaz e de conjunta—siguiran estricallando á partir d’o vinte de noviembre. Dos amiguez que se’n rediran —de buen implaz e de conjunta— de toz nusatros durant anyatas. Igual como se’n vienen esmelicando dende fa decadas.Pérez vs. Rajoy? Pérez=Rajoy!Mala cendella los creme.

Toz os Santos

2011-10-31T12:56:00.000-07:00

Mientres beluns, os que olbidan as suyas radices e a suya eséncia negan, feran de nuevas o rediclo, esta vegata con a fateça ixa de Halloween, muitos de nusatros celebraremos a Nueit de Difuntos e o dia de Toz os Santos como se mereix, conna solennidat de siempre.
Muitos de nusatros honraremos á os nuestros muertos e nos feremos contentos perque viven ya con Dios. Recordaremos á ixos hombres e mullers, de tot tiempo e puesto, que han luitato con rásmia ta seguir o camin enta Dios. Reflexionaremos sobre l’eixemplo d’os Santos Mártirs que no dubdon en imitar á Gesu Cristo dic’o redamamiento d’a suya sangre. Reçaremos ta estar prestos en a desigéncia que o seguimiento d’o Evangélio nos demanda.
Mientres beluns s’encapinan, se disbraçan e s’altroixan sin vergüenyan, muitos de nusatros celebraremos a Victória d'o Espritu d’o nuestro Sinyor, simient que fa fruito en totas as nacions e en totas as puendas. Mesmo en a nuestra sociedat que tan lasa e vaciva á sovent nos pareix.

O património religioso encara

2011-10-26T09:04:00.001-07:00

Fa muito que no escrivive sobre o património religioso aragonés retenito ilegalment en Catalunya. E no ye estato per falta de notícias ni, muito menos, perque o tema haiga dixato d’interesar-me. A raçon seria, més bien, que este ye un afer que, igual como ixas larguiças séries que aborreixen as tardis televisivas, puede recuperar-se dimpués de bels meses sin garra problema, tot contina como dinantes, como quan lo dixés. Como eixemplo, belunas d’as zagueras notícias á o respective:
A presidenta d’Aragon, Luisa Fernanda Rudi, ha asegurato que o Núncio d’A Suya Santidat en Espanya, Monsinyor Enzo Frattini, le ha feito saber o "critério clariço" d’la Ilésia de que os biens perteneixen á las parróquias aragonesas e ha fixato un plaço de nueu meses á un anyo t’a suya tornata.
Rudi, que se reunió a semana pasata en Madrid con o Núncio almite, que a Ilésia "no tiene elementos" ta fer valer estos reconeiximientos " encara que a propiedat aragonesa ye inqüestionable. Seguntes pareix, tamien o Bispe de Balbastro havrá una reunion luego con o Núncio.
Ademés, Rudi, se reunirá con o president d’a Generalidat de Catalunya, Artur Mas, ta "intercambiar opinions" sobre a tornata d’os biens perteneixients á las parróquias de l’Aragon oriental. Ya en o mes de juliol, en prener posesion d’o suyo cargo, escrivió Rudi una carta á Mas en a que le demandava dita reunion. A respuesta de Mas no ye arribata dica o 18 d’octubre. No pareix a catalana a millor d’as actituz, més que més, quan bi ha atros temas importants pendients.
Os alcaldes de Berbegal, Peralta d’Alcofea e Villanueva de Sigena tamien s’han entrevistato con a sinyora Rudi. Os juratos son salitos muitos satisfeitos d’a reunion, més que més, dimpués de coneixer as declaracions d’o Núncio.
Caldria recordar-les á Rudi e á os alcaldes que totas as decision d’o Vaticano son estatas favorables á Aragon, como quan en 2004 a Santa Siede refusó o recurso catalan sobre a propiedat, u como quan o 20 de septiembre de 2005 fiço publico un decreto que instava á tornar as pieças, u a senténcia firme de 2010 que reconeix a propiedat aragonesa. E caldria recordar-le á Rudi que ye o estato espanyol qui ha á fer cumplir ixas senténcias. Que vaiga charrando con Rajoy. Encara que a parola de Rajoy no valga res, como preva, per eixemplo, a facilidat con que cámbia de parixer en temas tan importants como l’alborto u a luita antiterrorista. Me creigo que, disgraciadament, dintro de muitos meses siguiré havendo á escrivir sobre este tema.

Son iguals

2011-10-20T23:10:00.000-07:00

Son iguals. Fan a mesma vergüenya. Ascuitar ahiere á Rodríguez, á Pérez u á Rajoy. As suyas declaracions sobre a falsa fin d’a ETA. Son iguals, a mesma vergüenya fan. S’enganyavan os que se creyevan que o PP no tradicionaria a dignidat d’as victimas —a dignidat d’a Pátria. Veyer ahiere á Rajoy yera veyer á Pérez u Rodríguez. Vergüenya. Carranya. Fástio. Pérez. Rajoy. Rodríguez. Son iguals. Son o mesmo. Son intercambiables. No votes. No t’enganyes. No te rindas.
Ye a hora d’a reaccion.

Un libro que caleva

2011-10-17T00:50:00.000-07:00

Ye menister no olbidar-lo: quasi o 90% d’o clero d’a diocesis de Balbastro-Monçon −igual como muitos laicos d’a mesma− estió salvagement asesinato per os criminals partidários d’a criminal segunda r.i.p.ublica en a salvage persecucion religiosa de 1936 sin atro motivo que a suya fe catolica. Estianyo se fa, doncas, o 75 cabo d’anyo d’este martírio.
Como una d’as fitas d’a commemoracion d’estes feitos, cal acobaltar a publicacion d’a obra La persecución religiosa en la diócesis de Barbastro-Monzón (1931-1941) . O libro ye escrito per lo historiador don Martín Ibarra Benlloch e ye editato, en dos tomos, per a Fundación Teresa de Jesús e o Bispato de Balbastro-Monçon. En a ciudat de Balbastro ya ye estato presentato, en a de Monçon se presentará este 20 d’octubre.

Martín Ibarra ye doctor en História e autor de vários libros e publicacions sobre a matéria, entre os que descuellan obras como Los católicos de las diócesis de Huesca y Barbastro y las autoridades de la España Nacional (18-VII-1936/VII-1938). Ha tenito, ademés, l’asesoramiento d’a comision historica diocesana.
En as suyas 937 paginas, contiene o libro més de tres mil citas bibliograficas, decumentals e historicas; 4.000 fotografias; 700 transcripcions de cartas d’os mártirs; 4.200 decumentos; 1.800 notícias de revistas e periodicos; 1.200 certificatos e 230 entrevistas.
O libro abraca o periodo amugato entre os anyos 1931-1941 e ye trestallata en quatre partis: Segunda República, Revolución y Martirio, Rehacer la diócesis e Rehacer al pueblo fiel.
L’ogetivo d’a obra, d’un rigor historico e metodologico almirable, ye claro:

recordar con emoción a tantos hermanos en la fe que, con la gracia de Dios, fueron capaces de morir violentamente sin otro motivo que el de su condición de sacerdotes o católicos, y, lo que es más admirable, morir perdonando

como encertadament sinyala o bispe mosen Alfonso Milián Sorribas en o prelogo d’o libro.
Quede, pues, La persecución religiosa en la diócesis de Barbastro-Monzón (1931-1941) como un atro testimónio ta que no olbidemos a os nuestros germanos o bispe mártir Florentino Asensio, o beato Ceferino, os Seminaristas claretianos u os Escolápios de Peralta de la Sal e, cómo no, a toz os atros mártirs, tan gran ye o suyo numbro, que encara no son estatos puyatos t’os altars. Dios quiera que seiga luego.

Regina aragonensis

2011-10-12T09:01:00.000-07:00

12 d'octubre. Fiesta d'a Virgen d'o Pilar. Patrona d'Aragon. Patrona d'a Guárdia Civil.
12 d'octubre. Fiesta Nacional d'Espanya. Festa Nacional d'Espanya. Festa Nacional de España. Espainiako Jai Nazionala. Hèsta Nacionau d'Espanha. Fiesta Nacional d'España. Festa nacional de Espanha. Fiesta Nacional de España.
12 d'octubre. Dia d'a Hispanidat.

Aliança de civilizacions

2011-10-11T00:03:00.000-07:00

Per cada cinco menutos s'asesina un cristiano en o mundo a causa d'as suyas creyéncias. Més que més en os païses de mayoria musulmana, pero tamien en a Índia u en Corea d'o Norte, per citar-ne atros dos eixemplos.

De cabo quan, muito de cabo quan, os diários e os informativos de rádio u television nos ofreixen imágens d'o martírio d'os nuestros germanos coptos en Egipto.

Os que charravan d'a primavera arabe e s'emplenavan a boca tafalando d'a libertat que amanixeva en o mundo islamico no tarten mica quan veyen a carranya d'os cristianos egípcios que hana apedecar es suyos —es nuestros— germanos asesinatos per ixos guviernos que ivan a trayer a democrácia a Egipto, Túnez u, agora, a Líbia.

O guvierno de Rodríguez, que estrafolla millons e millons d'euros en o suyo progecto de l'aliança d'as civilizacions, zarra os uellos e a boca, os braços cruça, devant d'o genocídio. E lo fa perque nusatros, os cristianos d'Espanya, tamien zarramos os uellos e a boca, tamien os braços cruçamos.

Qui no quiera estar compliz, puede colaborar con a Ilésia. Ye fácil. Ye obligatório.

Quí fues inmigrant

2011-10-10T00:59:00.000-07:00

Dende o 2009, bels 30.000 inmigrants son tornatos t’os suyos païses con l’aduya d’o guvierno espanyol (que ni ye guvierno ni, muito menos, ye espanyol, pero ixo seria matéria ta atra dentrata). As aduyas no son garra fateça. Ademés, en bi ha tres modalidaz ta que os sinyors inmigrants en triguen a que més honra les faiga.

Asinas, pueden demandar que o guvierno espanyol les pague o billet d’avion e les dé, ademés, 450 euros ta os gastos d’o viage. Como lo guvierno espanyol fa muito que renunció a la esfensa d’as nuestras buegas, estoi que buena cosa d’os inmigrants que s’acullan a esta opcion tornaran ta Espanya decamin, dimpuesas de disfrutar d’unas vacáncias en casa suya con tos os gastos pagatos.

Atra d’as opcions que pueden trigar os sinyors inmigrants ye capitalizar o desquefere. En este caso, antes de viagear t’o suyo país, o guvierno espanyol les caixa o 40% d’o subsídio e, una vegata en casa, o 60% restant. De nuevas, e como lo guvierno espanyol fa muito que renunció a la esfensa d’as nuestras buegas, estoi que buena cosa d’os inmigrants que s’acullan a esta opcion tornaran ta Espanya decamin, dimpuesas d’haver malfurriato es nuestros diners en qualsiquier concieto.

Con tot, a opcion que més s’estiman os sinyors inmigrants ye a tornata productiva. Con esta modalidat, o guvierno espanyol da a o sinyor inmigrant 1.500 euros ta que amonte bel negócio en o suyo país. De nuevas, e como lo guvierno espanyol fa muito que renunció a la esfensa d’as nuestras buegas, estoi que buena cosa d’os inmigrants que s’acullan a esta opcion tornaran ta Espanya decamin, dimpuesas d’haver dixato a bel familiar a cargo d’o negócio que han feito con os nuestros impuestos. Una vegata en Espanya, ya trobaran atras aduyas, que aquí nos sobran os dinerez.

Vacáncias subvencionatas, dreito a un subsídio d’esquefere a la carta, diners ta amontar un negócio an que més t’estimes… quí fues inmigrant e no un treballador autonomo espanyol sin vacáncias pagatas, sin un euro d’esquefere, sin garra aduya —ni sisquiera acceso a un credito— ta salvar un negócio real. Un negócio que da treballo encara e paga per cada dia més impuestos. Impuestos ta esto. E ta atras muitas cosas muito piors.

Cuentra o nacionalismo

2011-09-27T10:13:00.000-07:00

B’ha dos maçadas sobre o nacionalismo que, per errónias, no solo no me fan mica goi sino que me pareixen periglosas de tot. Ta caramuello, son dos ideyas que se repiten de contino.

A primera ye ixe topico de que o nacionalismo ye una malotia que se cura viageando. Pos no, o nacionalismo no solo no se cura viageando, sino que no se cura ni sisquiera con a verdat. O nacionalista aragonés seguirá pensando que Aragon perdió a suya independéncia en 1711, encara que totas as fuents historicas le preven que a Guerra de Sucesion estió una guerra civil espanyola que enfrontinó a os partidários de dos aspirants a la Corona d’Espanya, e que en Aragon, como en tos os puestos, b’havió gent que luitó per os Áustrias e gent que luitó per os Borbons. Ixo rai, o nacionalista aragonés charrará de tropas foranas invadendo lo Reino e aragoneses luitando per a suya soberania. Igual como o nacionalista catalan, que toz os once de setiembre repite una mentira parellana sobre a mesma guerra.

Tot nacionalista nega la realidat perque se comporta como un adolescent que no sabe que menar-se per es suyos concietos. Yo tiengo dreito a... ye a suya frase favorita, e a suya inmatura voluntat ye a unica lei que respecta. Igual como lo jovençano que se crei que a el as drogas no le feran res, u que puede vulcar contenidors u cremar autos sin que o codigo penal le impose garra castigo, o nacionalista se piensa que él tiene toz os privilégios e ye per dencima de qualsiquier lei.

E ixo ye asinas perque o nacionalismo ye una grau patologia. Una patologia que ye fruito d’a crisis general que secute a nuestra sociedat dende que o liberalismo ha ito fendo pitanças toz os alacez d’a nuestra civilizacion. Quan as revolucions —burguesas u obreras— estricallon l’orden tradicional e nos impuson esta nueva sociedat refirmata sobre l’ódio entre os suyos components —a luita de clases—, toz os suyos esfuerços, tota la suya estratégia, s’han enfilato enta un unico ogetivo: fer disaparixer a organizacion natural d’os pueblos que se basava en l’amor a la Religion e a la Pátria. Como lo internacionalismo —esfendito per liberals u marxistas u anarquistas— no ha enradigato mica en o pueblo, ixas ideologias criminals huvon a inventar-sen a falsedat d’o nacionalismo como cuentrapunto a o natural patriotismo d’o ser humano. Per ixo e a la fin, o nacionalismo refleixa perfectament totas as misérias que acaramullan a lo bofo hombre moderno.

A segunda ideya sobre o nacionalismo que m’encarranya arrienda ye ixe atro topico que lo presenta como una conseqüéncia d’o centralismo. Tamien ye falsa. Si o nacionalismo naixés como reaccion a o poder d’os estatos tendria qualque virtut. Disgraciadament, no ye o caso. Ya hemos dito que o nacionalismo naix —sin atra raçon que subvertir l’orden natural— d’a man d’o liberalismo. E que marxistas u anarquistas —fillos d’os liberals toz os dos— lo fan servir ambute ta envilecer a sociedat.

Ademés, basta con fer una golladeta a la nuestra história recient ta veyer que ye con esta democrácia, e o suyo estato d’as autonomias, quan o problema deseparatista —inexistent dinantes d’as revolucions liberals d’o sieglo XIX— ye creixito dica fer-se un cáncer. Qué fuerça teneva o independentismo basco durant o franquismo? No pas guaire, no verdat? Pos agora mesmo guviernan a Diputacion de Guipúzcoa. O mesmo, u parellano, se puede decir d’o nacionalismo catalan, gallego, aragonés u canário.

Si l’eixemplo no convence, faigamos a golladeta ta part de Fráncia. Si o nacionalismo surtís como reaccion a o centralismo, en o estato més jacovino d’o mundo os nacionalistas havrian a estar legion. Justo lo contrário. A penar d’as quantiosas subvencions d’a Generalidat catalana u o guvierno autonomo basco ni o nacionalismo catalan ni o basco —ni l’occitano u o breton u o corso— tienen mica representacion —ye decir, mica poder— en as suyas regions.

Nos feria honra no olbidar estes feitos. A trista realidat ye que en esta Espanya embrutecita an que vivimos, a unidat d’a Pátria ye menaçata seriosament per un enemigo muito perigloso. Me temo que cuentra o nacionalismo no se luita solo charrando de fueros regionals, se luita charrando d’Espanya. En toz os nuestros idiomas, prou que sí. Pero siempre Espanya.

Ensenyança concertata

2011-09-21T02:51:00.000-07:00

Se’n charra arrienda estes dias. A mesma cancioneta siempre: una plaça escolar ye muito més barata n’a escuela concertata que n’a escuela publica. No sé si ye verdat. Quasi asegurarí que no. Seguntes me contan muitos amigos —os mios fillos van t’a escuela publica, e firme contentos que en somos, pero quasi totas as mias coneixéncias mandan á la suya mainada t’a concertata— en a escuela concertata no se fa sique pagar condutas per tot. Conque no tiengo guaire claro que a ensenyança concertata seiga prou més economica. Ni sisquiera me se da mica.
Yo naixié —e creixié— en un chiquet lugaron d’o Sobrarbe an que no b’heva escuela. Toz os dias me’n levavan en auto t’o colégio d’un atro lugar. Dimpués me’n levavan toz os dias en autobús t’o instituto de L’Ainsa. Soi seguro de que a mia plaça escolar —igual como a d’es mios germanos, igual como a de tantos atros ninos de l’Aragon rural— ye estata siempre prou més cara que ixa mesma plaça en qualsiquier colégio d’a ciudat de Uesca u Zaragoça. Casualment, no b’ha garra centro concertato en tot o Sobrarbe. Se coneix que no ye negócio. Totas as escuelas, doncas, i son publicas.
Perque o gran problema d’a escuela concertata ye justament ixe, que ye concertata. Asinas, a ensenyança religiosa ya quasi no existe en Espanya, agora ye ensenyança concertata. Una ensenyança que, en quasi toz os casos, no transmite pas a moral catolica. Ya no b’ha cleigos en as aulas, solo que profesors. Profesors que, en demasiatas ocasions, ensenyan una história d’Espanya acaramullata de mentiras. Profesors que, en demasiatas ocasions, ensenyan una envista de l’hombre, d’a família e d’a sociedat, aleixata de tot d’o Magistério d’a Ilésia. Profesors que, á la fin, en demasiatas ocasions, ni sisquiera son catolicos practicants sino tot o contrário.
Ricordemos qué oposicion fiçon os centros concertatos á la enatiça asignatura d’educacion t’a ciudadania. Ni brenca ni meya. Res. No seiga que perdamos o concierto. Veigamos en qué valors creyen os ninos, os jóvens, que rematan a suya educacion en os colégios concertatos. Hedonismo, relativismo e materialismo. Pero ixo rai. Mientres que no perdamos o concierto, toz contentos.
O problema d’es colégios concertatos espanyols ye que se pareixen á saber-lo á os nacionalistas catalans: solo les precupan que os suyos diners, solo buscan que o concierto economico.

Esfendo camin

2011-09-14T05:11:00.000-07:00

Confieso a mia ignoráncia: defuera de Luisa Fernanda Rudi, no conoxeive —dica ahiere— o nombre de garra component d’o nuevo guvierno d’Aragon. Entre atras cosas, perque o guvierno naixito d’as esleccions de mayo encara no ha feito res ta mereixer o mio interés. E quasi ye millor que continen asinas, que como les dé per actuar, será mesmo pior.

Pero ahiere siento en a rádio que o consellero de facienda d’o guvierno d’Aragon ha presentato un diz que plan ta alcorçar o gasto publico. No criticaré ixe diz que plan, encara que no seiga que a bofa estrolicadera que gosa fer, per un regular, o nuestro politicamen. No, me centraré en o consellero. E no en o feito de que baladroneye de liberal —atros balloqueyan de marxistas con 300.000 euros en fundos d’inversion manullatos per os mercatos capitalistas; prou sabemos que o politicamen pátrio esfiende tota mena d’esclavitut laboral e qualsiquier privilégio economico—. No, hue charraré, u escriviré, sobre o pasato mosical d’o nuevo consellero. Perque, no sé si dinantes de fer-se liberal u mientres ya lo yera, o sinyor Garcés estió cantautor. Mesmo actuó en Nueva York con Labordeta. No sé si ixa u belatra d’as suyas actuacions mosicals estió subvencionata, pero sí sé, e de buenos corros, que l’agora consellero grabó un disco en aragonés. O disco, que pagó o Consello d’a Fabla Aragonesa, se clamava Fendo camín (1983) e yera malo. Malo que en pudiva. Talment b’haiga encara bella cinteta u bel vinilo a la venda per si belun quiere comprevar-lo. A cosa ye que o Consello d’a Fabla Aragonesa le paga un disco a o sinyor Mario, que se coneix que heva feito publico o suyo deseyo de grabar en a nuestra luenga, en unas envueltas en que a grabacion d'un LP, mira-tos cuántos discos se grabon en Aragon en 1983, yera tot un privilégio. Como lo disco no tiene mica exito —¿he dito ya que o disco yera malo, malo que en pudiva?— o sinyor Garcés s’adedicará a criticar d’espeso a os que hevan meso os diners e as ganas ta que el grabás a suya obra. No sé si ixos malos modos u ixe sentito d’a gratitut e de l’autocritica l’havrá aduyato en a suya, esta sí, exitosa carrera politica, pero me sansonio que prou.

Asinas que quan ahiere siento en a rádio que o consellero de facienda d’o guvierno d’Aragon, sinyor Garcés, ha presentato un diz que plan ta alcorçar o gasto publico, no puedo dixar de deseyar que tienga un poquet més de taliento t’as finanças d’o que demostró t’as cancions. E millors modos que no demostró altalle.

A estratégia d'o Mal (e 2)

2011-09-13T08:03:00.000-07:00

Nos guvierna o Mal. Dende fa tiempo. E a sociedat trasca. Grácias a la propaganda d’os meyos de comunicacion. Grácias a la desafalbetizacion que esparden escuelas e universidaz. Grácias a la complicidat de toz os partitos, més que més d’os que nos fan creyer que son l’alternativa quan esfienden o mesmo programa.
Tot ixo ye verdat, pero tot ixo seria perdemés si amplos sectors d’a Ilésia no fuesen estatos empestatos per os enemigos d’a Tradicion.
Dende os anyos 60 d’o sieglo pasato, a saber-los mósens espanyols –igual como es de muitos atros païses– enverenon as concéncias d’os suyos feligreses fendo-les creyer que Gesu Cristo yera estato o primer marxista d’a história, que a doctrina social catolica consistiva en a luita de clases, que a litúrgia no yera que una lasa estrolicadera, que muitos dogmas no yeran que falórdias; que a Religion no yera que politica.
Estes traidors no solo emporquion a memória d’os Mártirs d’a nuestra Cruçata, sino que fiçon naixer en buena cosa d’a jovenalla espanyola as mesmas ideyas criminals que levon t’o martírio á decenas de mils de catolicos á mans d’a republica asesinadera. Sin bels parrocos post-conciliars, ni o marxismo ni o nacionalismo hesen tenito guaire eco en a nuestra Pátria. A trista realidat ye que, sin bels parrocos post-conciliars, o terrorismo d’ETA, os FRAP u os GRAPO no hes existito nunca.
Os repuis, os reús d’ixa endonímia encara traqueteyan; e prou que se manifeston fa bellas semanas -aá o canto d’anarquistas, marxistas, drogadictos e homosexuals- cuentra a visita d’o Santo Pair. Yera de dar: estió Ratzinger qui dixó clara a doctrina d’a Ilésia devant d’a mal clamata Teologia d’a Liberacion. Son els, os que dicen esfender a deseparacion d’a Religion e o estato, os que quison fer politica con a Fe d’os nuestros pairs: a politica de l’ódio, a politica d'o Mal.
Amonico, apleret, o pueblo catolico rectifica e torna t’a Verdat. Millor tardi que no nunca. Pero cal que toz ricordemos que o Mal nos guvierna perque nusatros le dixemos. E cal, e ye menister, que o Santo Pair no olbide pas que o relativismo que caracteriza o nuestro tiempo no ye que una d’as conseqüéncias d’ixe falso ecumenismo que quereva esborrar a doctrina esfendita per os Pairs d’a Ilésia dende l’emprencípio d’o Cristianismo.
Perque sin os valors absolutos d’a Fe verdadera, nos trobaremos de nuevas desarmatos devant d’o Mal. Ixe Mal que nos guvierna dende fa muito. Dende fa demasiato.

A estratégia d'o Mal

2011-09-05T09:51:00.000-07:00

Nos guvierna o Mal. Dende fa tiempo. No solo dende que Rodríguez plegó en o poder. Dende fa 33 anyatas, si no més. Á lo menos, dende que un pueblo enganyato votó a constitucion que agora han reformato. Como si ixa reforma, si ixa constitucion, valés ta qualcosa.
Nos guvierna o Mal. Un Mal que quiere fer disaparixer tot o sagrato. Dende que un pueblo enganyato votás a constitucion de 1978, totas as leis que han ito aprevando os diferents guviernos no han tenito atro ogetivo que estricallar a família. Una vegata esborrata a família se puede esborrar qualsiquier cosa, dende a Pátria dic’a Religion, dende l’honor dic’o sentito comun.
Nos guvierna o Mal. E l’ha puesto fer perque siempre ha tenito a complicidat d’a dreita politica. A existéncia d‘a UCD, dinantes, e d’o PP, agora, solo ha servito que ta fer trascar, a buena cosa d‘os nuestros compatriotas, totas ixas midas enfilatas ent’a destruccion d’os valors tradicionals. Dende os periodicos e as rádios e as televisions e as peliclas. Dende as universidaz e as escuelas e os institutos. Toz os mensages que recibívanos e recibimos solo tenevan una intencion: dinamitar a família, alacet d’a sociedat.
Nos guvierna o Mal. Per qué no nos rebelamos? Quan o sistema vei que a gent ye amanata a esclatar fa servir as suyas estratégias. En primeras estió a UCD a que aprevó as primeras midas criminals mientres nos feva creyer que nos salvava d’a III republica. Dimpués estió o PP o que legitimó totas as politicas d’o PSOE mientres nos feva creyer que nos trayeva o bienestar economico e o patriotismo constitucional. Como agora ye imposible sustener a mentira e per cada dia menos gent vei á o PP como alternativa a o PSOE (“son toz iguals” ye a frase més repetita per es espanyols quan charramos de politica), o sistema ha creato lo 15 M. Aconsiguen asinas esbarrar a carranya d’una sociedat que empencipiava a veyer-bi a ruina moral en que o sistema nos ha enronato. Naix o 15 M e se fa creyer a la gent que a suya hora ye, a la fin, arribata. Cientos de mils de pairs de famílias e d’esqueferatos e de treballadors autonomos emplenan as carreras en manifestacions que demandan dignidat. Suénian con cambiar as cosas. Deseguida, o sistema mueve os suyos sicários, seqüestra o movimiento e lo fa aparixer como ye realment: una atra muestra de violéncia ultrazurdista. Os pairs de família e os esqueferatos e os treballadors autonomos pierden tota asperança e cayen de nuevas en l’apatia. Os repuis d’o 15 M empestan durant meses as plaças con a complicidat d’o sistema que los fiço naixer. “U o PP u o caos”, nos quieren fer creyer bels nuevos meyos de comunicacion que o suyo unico ogetivo ye refer a imagen d’o PP: o PP esfiende a vida,repiten en programas especials; ye en cuentra d’as unions homosexuals, soltan de cabo quan; ye un partito nacional que s’enfrontinará a os nacionalistas, pontifican en as suyas rufiertas; gestionará honradament e con estrúcias os recursos d’o Estato; meterá en trena a delinqüéncia e a inmigracion ilegal e bla, bla, bla. E o pueblo se lo creye perque fa 33 anayatas que dixó d’estar Pueblo ta no estar que Rabanyo.

JMJ

2011-08-23T08:21:00.000-07:00

En realidat, no soi ito t’a JMJ. Yere en Madrid ixos dias e aproveité ta refitoliar una miqueta, ixo sí, pero no soi ito t’a JMJ e no feré un analís d’unas Jornatas que no vivié.
No fue t’a JMJ per várias raçons. Malament puede ir ta unas Jornatas Mundials d’a Jovenalla qui fa anyos que dixó deçaga a suya joventut. Ademés, e més que més, me fa muito fástio, esteticament, tot ixe ambient de guitarras e cancionetas. No puedo con ixas estrolicaderas bofas que més pareixen própias d’un telepedricador protestant que d’un propagandista catolico. Soi un antiguato, ya lo sé, pero me pareix quasi blasfémia, per eixemplo, fer servir cancions de Bob Dylan, e atras gents parellanas, en a nuestra litúrgia. Mesmo o més encerrinato esfensor d’o CVII me reconeixerá que a respuesta, amigos mios, ye en Cristo, no pas bufando en l’áire.
Pero yere en Madrid ixos dias e aproveité ta alparciar un poquet. Sin querer me trobé con a manifestacion anticatolica. Rostros esfeitos per l’ódio més irracional. Chilamentas salvages. Apatuscos movimientos infrahumanos. L’horror d’un mundo sin Cristo feito gentata. No yeran guaires, tamien ye verdat. No sé quí ha feito es calculos que fan plegar en 10.000 u 15.000 os asistents ta l’akelarre, me pareixion muitos menos; periglosos, pero muitos menos. Mesmo i yera ixe reús humano que preside una asociacion laicista zaragoçana. Una clica, per cierto, que buena cosa de subvencions publicas replega e fa servir edifícios publicos, mesmo centros escolars, t’as suyas asambleyas. Qué terrible be d’estar devantar-se toz os maitinos con tota ixa rábia n’o cuerpo, pensé. Sigo reçando per els, més que més per l’homenot que los preside.
He dito que no no feré un analís d’unas Jornatas que no vivié, ye cierto, pero no puedo dixar de fer mencion de dos trobatas que me en plenon de goyo e asperança: a liccion de Teologia que me dion uns pelegrins franceses, que ni os ventecino hevan feito, e a liccion de Fe que me dion uns pelegrins iraquins. Buscave yo bella colla de libaneses, ixos cristianos almirables que saben fer d’a milícia a suya vocacion, quan me trobé con ixos atros cristianos que viven a Fe en a més terrible d’as condicions. Qué dos mensages ta vivir con autenticidat o cristianismo.
Rogo á Dios que me faiga més humil.

De verano

2011-08-17T14:17:00.000-07:00

De verano no tiengo ordenador, ni acceso a internet ni ganas de tener-ne. De verano torno t’o lugar. Me i retrobo con paisages d’ensuénio, con os amigos de siempre me i retrobo. Estianyo, con a crisis, mesmo con gent que feva anyatas que no veyeva. Gent que, estianyo, con a crisis, veraneyan de nuevas en a casa d’os pairs, en a casa d’os lolos veranyan de nuevas. De verano torno t’o lugar. I veigo qué he perdito, qué no recobraré nunca, encara que i torno malas que puedo, encara que i torne siempre. Per ixo no escrivo agora sobre Rudi u Biel, Pérez u Rajoy. Ni sisquiera sobre os asperançatos que emplenan as plaças de Madrit á penar de l’ódio criminal d’os anticatolicos. De verano no tiengo ordenador, ni acceso a internet ni ganas de tener-ne. De verano torno t’o lugar. Me i retrobo con paisages d’ensuénio, con os amigos de siempre me i retrobo. I veigo qué viello m’he feito. O que he perdito i veigo. O que no recobraré nunca defuera d’o ricuerdo i veigo. De verano.

L'alma e os diners

2011-06-29T01:43:00.000-07:00

Yera de dar: a gent ye blincata ascape cuentra a primer mida que han preso as nuevas Cortes —que ta esto prou que s’han entendito decamin— e que ye una indemnización por cesantía ta os deputaus que rematen o suyo mandato e no tiengan emplego. Dita indemnizacion no ye garra estopéncia: 2.967 euros mensuals, que podran cobrar tantos meses como anyatas estuvon de parlamentários, dica un maximo de 18.

Prou que l’alcuerdo ye una vergüenya, més que més en metat d’esta crisis. Pero lo problema ye que esta crisis e esta —e atras muitas— desvergüenyas d’os nuestros caporals no son que a conseqüéncia natural d’a corrupción moral que empesta, dende fa decadas, a la sociedat espanyola.

Una nacion que asesina os suyos fillos antes que no naixcan e a ixe crimen lo clama dreito; u que declara matrimónio a union de dos hombres u dos mullers e les atorga o dreito a afillar una mainada, negando a ixos ninons o verdadero dreito, o dreito a una família; una nacion que permite que toz os suyos guviernos se refirmen en partitos que o suyo unico ogetivo ye esfer ixa nacion e que altroxen de contino —toz os dos: os guviernos e os partitos nacionalistas— a Espanya; una nacion, a la finitiva, que no tiene atra politica que no seiga que enrestir cuentra a Religion, a Família e a Pátria se mereix esto e muito més.

Gemecamos —perdemés— agora que nos furtan os diners. Deverinos d’haver-nos devantatos —prestos— quan emprencipion a furtar-nos l’alma.

E agora qué?

2011-06-22T10:51:00.000-07:00

Ya han feito garras as nuevas Cortes e no tardará guaire a haver-bi un nuevo guvierno regional; pero, de veras en será de nuevo?

Dinantes tenévanos o PSOE-PAR. Agora tenemos o PP-PAR. Coneixendo a breu —pero infame— história de l’autonomia aragonesa, será o PAR, de nuevas, qui mene a situacion. Encara que —formalment— esta vegata no se fique en o egecutivo.

Per agora, ya tenemos a Biel de president d’as Cortes e dando liccions de cómo han a comportar-sen as suyas sinyorias. Dimpués, tendremos a os caporals d’o PAR en as Direccions Generals, que una cosa ye renunciar a dentrar en o guvierno e unatra renunciar a dentrar en os negócios. A la fin, e como siempre, los tendremos en os titolars d’a prensa, acusatos de tota mena de corrupcions que no se judgaran pas, que ta ixo bel fiscal ye d’a família. En zagueras, e tamien como siempre, no será o unico partito politico que i veigamos.

Si no pudisen tanto —fisicament e intelectual— me’n irí on os enrabiatos ixos. Ye a hora d‘a reaccion.

Diploma d’Especializacion en Filologia Aragonesa

2011-06-13T09:57:00.000-07:00

O Campus de Uesca impartirá o nuevo Diploma d’Especializacion en Filologia Aragonesa antes con antes. O nuevo estúdio de postgrau, que ferá garras decamin, ye conseqüéncia d’as nesecidaz formativas que naixen d’a Lei de Luenguas d’Aragon. En este sentito, o títol de postgrau d’a Universidat de Zaragoça se mira de formar mayestros e profesors t’a ensenyança de l’aragonés, e ufrir a qualificacion “que facilite l’acceso ta puestos de treballo en l’alministracion, meyos de comunicacion, institucions u progectos culturals”, seguntes aclarion os profesors José Domingo Dueñas e Francho Nagore, decano d’o centro uescano e director d’o nuevo estúdio respeutivament. O títol busca tamien proporcionar una ensenynça especializata a toz es que deseyen afundar en o coneiximiento de l’aragonés.
Talment seiga este zaguer aspeuto o més important si nos femos cargo d’a breu existéncia que se le devina a la Lei de Luengas.
Caldrá asperar e veyer como fa garras o progecto, pero ye de celebrar que a Universidat de Zaragoça emprencipíe a albandonar a balloquera ignoráncia e a enatiça incompeténcia con que, durant decadas, tracton, u millor dito dispricion, a riqueça lingüística d’a nuestra region.
Con tot, una colla de gent que se fan clamar Asociación Lengua Común han feito publica a suya precupacion perque a Universidat “se plegue a politicas d’imposicion lingüistica”.
Se’n olbidan estes sinyors de que ta que b’haiga una luenga comuna ha d’haver-bi-ne belatras més, e que ixas atras luengas tamien tienen os suyos dreitos, digo yo; ademés, que ta esfender o castellano, ciertament luenga comuna de toz nusatros, no b’ha que enrestir cuentra as atras luengas espanyolas. Charran tamien d’a salmódia ixa d’a perda d’as variedaz locals. E digo salmódia, perque els nunca no han amonstrato garra interés ni respeuto per lo património lingüistico aragonés, que parixen desconeixer de raso quan s’atriven a afirmar que a denominacion luenga aragonesa no ye mica correuta perque as diferiéncias dialeutals no fan posible a suya normalizacion.
Pero bueno, vaigamos t’a ensúndia e aladiemos as fateças, que a notícia nos en plena de goyo. Ye d’asperar que, a la fin, contemos con una buena ferramienta t’a recuperacion e dignificacion d’a nuestra luenga que forme profesionals con a qualificacion neseçária ta fer, en traças e como cal, o muito treballo que b’ha pendient.
Ye urgent.

Islándia e Hongria

2011-06-08T08:37:00.000-07:00

Una dentrata breu. Dos parolas tasament: Hongria, Islándia. E muita invídia. Per diferents raçons, pero muita invídia.
Quí vivís en un país que a suya Carta Magna reconeix o Cristianimo como fuent primigénia d’as valuras nacionals.
Quí vivís en un país que judga a o suyo ex-primer ministro per haver menato a nacion t’a ruina.
Pero vivimos en Espanya. Una Espanya irreconeixible an que carranya ye sinonimo de vasuera. Una Espanya que nega as suyas radices, que as suyas feitas oblida. Una Espanya que se podreix porquiça en as plaças e n'as Cortes.
Ye a hora d’a reaccion.

O nuevo guvierno, a lei de luengas e l'académia

2011-05-30T03:39:00.000-07:00

Pareix que una d'as conseqüéncias d'o previsible guvierno PP-PAR será a derogacion d'a lei de luengas e tot o que ella trayeva, académias incluyitas. Ye o que pasa quan s'apreva una lei sin consenso, no ya n'as Cortes, que ixo ye menos important, sino n'a sociedat, que ixo ye o grau.
Me deciva ahiere un amigo, partidário d'a CHA o pobrichon, que talment as nuevas Cortes respecten e mantiengan a lei, que dinantes os mesmos partitos no fiçon retacular a ensenyança d'o catalan en as comarcas orientals. No lo veigo probable. Ye verdat que o PP(SOE) ye especialista en trascar, remugar e fer que a gent accepte as iniciativas que o (PP)SOE apreva, pero no pareix este o caso.
O PAR no puede permitir-se una nueva escision e as demandas d'inconstucionalidat que os suyos concellos han empetato dixa muito claro cuál ye o sentir d'a suya militáncia. Per lo que fa á o PP, á ixos no se les da mica a opinion d'os suyos militants, cierto, e podrian tradicionar-los una atra vegata como ya han feito en muitas ocasions; pero agora bi ye UPyD, que ha millorato prou os suyos reultatos, e UPyD ha feito bandera d'a derogacion d'a lei de luengas. O PP sabe que UPyD puede siguir sacando-le votos e a perda de votos sí que se le da arrienda á o PP. Ya lo hemos visto en Catalunya, si PXC puya, o PP fa agora d'o control d'a inmigracion l'axe d'a suya campanya, sin meter-sen royos per as suyas anteriors politicas de papels ta toz, mesmo ta's criminals.
L'actual lei de luengas yera mala, muito mala, cierto, pero lo nuevo guvierno no'n ferá una millor: o nuevo guvierno no ferá garra politica lingüistica; e a gent ni tartiran. Ixo ye o grau.

Gana o PPSOE

2011-05-23T11:32:00.000-07:00

Gana o PPSOE. Concretament, a branca pepera d’o PPSOE. Una branca que a suya unica raçon d’existéncia ye justificar, de contino, totas as bestieças que l’atra branca, a psoecialista, fa un dia á l’arreu de la otro. O crimen de l’alborto, per eixemplo. Qué fástio feva veyer en as zagueras mobilizacions pro-vida á o enatiço sanselon que repetiva que a nueva lei no feva mica falta, que yera una lei sin consenso, mientres que l’anterior solucionava raçonablement tos es casos. Tan raçonablement que durant as ueito anyadas de guviernos populars s’asesinon á més de 500.000 inocents perque fevan estorbo. U a qüestion nacional, per nombrar atro tema que a gent se piensan que distingue á es dos integrants d’o regimen, que agora Andalucia ye nacion seguntes quaterna ixa reforma d'o estatuto que de buen implaz refirmó Arenas & Co.
Gana o PPSOE. O sistema funciona con eficiéncia. Encara que os pobrichons que ocupan as plaças publicas pareixcan no saber-lo, no quieran creyer-lo. Funciona tan bien que ya ha mirato un recámbio per si nunca o PSOE esclatás, per si nunca o PP esbotás. Ve-te-me UpyD. Tot ye controlato. O capitalismo, “president no rebles, no te’n vaigas”, se’n la risiqueta satisfeito.
Gana o PPSOE. Perdemos toz.

Aragon pude e a justícia calla.

2011-05-17T03:41:00.000-07:00

Diz que una imagen ye millor que milenta parolas, conto que tot un reportage muito més; asinas que meto contino bel par de viclos ta veyer-bi o programa que sobre a corrupcion en Aragon emtió Intereconomía Televisión lo sabado pasato. Prou que ye parcial, en toz os sentitos d'o vocable, pero no dixar d'estar recomendable. Se bi enampla bellas informacions que ya quaterné en atra entrata d'a bitacora e se i sinyala bellas relacions personals que explican o siléncio que acubilla buena cosa d'a delinqüéncia politica aragonesa.
Primer parti.
Segunda parti.

Académia

2011-05-09T03:32:00.000-07:00

Tristeça. As informacions que, dende feva semanas, garinvoliavan per lo rete yeran ciertas. O Consello Superior d’as Luengas d’Aragon ha feito publica la suya lista con os primers nueu academicos de l’aragonés. Se i troba á faltar bels nombres, bels nombres que uno creyeve imprescindibles. Ademés, e ixo ye o pior, se’n i troba á sobrar belatros; belatros nombres sin guaire livel, sin mica prestígio. Academicos, estes zaguers, que nunca no feran una conferéncia en garra universidat; como muito, qualque charradeta en a semana cultural de bel colégio.
Igual se tiene. A Lei de luengas s’aprevó ta fer d’o catalan una luenga própia d’Aragon. L’Académia d’a Luenga Aragonesa solo naix que como coartada ta crear una Académia Aragonesa d’o Catalan que faiga posible a desaparicion de buena cosa d’o nuestro património cultural. L’aragonés —a més menaçata d’as luengas menaçatas, a més chiqueta d’as luengas chiquetas— no ye estato que o cavallo de Troya ta que o nacionalismo catalan pille vencida en casa nuestra. Feito ya lo suyo papel, os nuestros caporals pueden dixar-lo disaparixer albandonando-lo en mans apatuscas, en esparlaticatas bocas. No ye una qüestion lingüística, ye una qüestion politica. Tristeça. Muita tristeça.

Aragon pude

2011-05-04T04:12:00.000-07:00

No b’ha que fer un estúdio sociologico, u qualcosa parellana, ta saber que quasi tota la gent tiene muito claro que a corrupcion politica ye, tamien en Aragon, general de tot. Quasi toz tenemos muito claro que esta pasa ye present en toz os partitos –de zurdas u dreitas, grans u chiquez- e en totas as almenistracions –local e comarcal, provincial e regional-.
Solo que con os casos que a prensa aragonesa ye publicando en os zaguers dias, e que ye de dar que no seran que a tuca d’o iceberg, se podria emplenar un libro:
-A neseçária complicidat d’a DGA en l’aprevacion d’o PGOU d’A Muela.
-As comisions -més de 500.000 euros!- que diz que cobró o sinyor vicepresident Biel per aligenciar dito plan d’ordenacion.
-As imputacions judicials á funcionários d’a DGA, emprencipiando per lo director d’o Servício Provincial d’Indústria, per delictos de prevaricacion, cofeito, negociacions prohibitas e falsedat decumental.
-As aljudicacions irregulars que o guvierno d’Aragon ha feito -á lo menos, que ni sisquiera s’han revisato totas as contrataccions- en 35 obras en diferents lugars d’a region.
-As comisions que -ya sabez: presuntament,- cobrava un sinyor d’o PAR, Antonio Quero, que se feva clamar Mister 3%
-As comisions que, seguntes ixe cargo d’o PAR, cobró o o sinyor Carlos Escó -marito d’a candidata socialista á o guvierno d’Aragon e amigo amiguiço de Marcelino Iglesias- quan yera viceconsellero d’Obras Publicas. Cargo que dixaria, ta pasar ta Telefónica, quan as denúncias sobre a honradez de muitas d’as suyas gestions se fiçon ixordaderas de tot.
-A imputacion á José Sobrino, marito d’a candidata d’o PP aragonés, Luisa Fernanda Rudi, per insolvéncia punible. Os treballadors l’acumulan de fer crepar a suya empresa meyant vendas con perdas e amagadas de benefícios.
-O concello de Mallen, an que agora mesmo a policia bi ye investigando un atro caso de corrupcion monecipal: pago d'actuacions que nunca no se fiçon, presuntas irregularidaz en a tramitación d'expedients d'aljudicacion de contratas e bels, siempre probables, pilotaços relacionatos con a promocion d'a polemica plataforma logistica de Mallen. Tot per valura de cientos de mils d'euros.
Ecetra, ecetra, ecetra.
Pero ixorronta més que més que buena cosa de gent pareix aconortar-se, pareix fer-se-ie. Como si no’n b’hes de solucion, como si a corrupcion fues un pecato an que toz i cayerinos si nos trobásenos en bel puesto de responsabilidat. A malotia social que o sistema ha aconseguito ye tal que trascamos de buen implaz con a inmoralidat més esclatera sin ni sisquiera un sinyalin de corage.
Prou sabemos qui ganará as esleccions d’o dia 22; prou sabemos qui las perderemos.

Una Académia agora?

2011-04-28T03:03:00.000-07:00

O Boletin d'Aragon d'o pasato dia 18 publicava o decreto an que s'aprevavan os estatutos de l'Académia d'a Luenga Aragonesa.
De nuevas, e á diferiéncia d'o refús que l'aprevacion d'os estatutos d'a clamata Académia Aragonesa d'o Catalan ha prevocato en buena cosa d'os lugars de l'Aragon oriental, an que, de nuevas 11 lugars (e pareix que en b'havrá més) ya núncian recursos d'inconstitiçucionalidat cuentra una catalanizacion d'a suya luenga, a notícia no ha tenito mica repercusion en as zonas an que, per cada dia pior, pervive encara a luenga nuestra.
Si nos femos cargo d'o radito consenso con que s'aprevó a Lei de Luengas e a proximidat d'as esleccions d'o 22 de mayo, no pareix o momento més encertato ta que l'Académia d'una luenga morediça faiga garras.
A trista realidat ye que qualsiquier proceso de normalizacion lingüistica ha de contar con un refirme politico, e economico, que l'aragonés no tiene pas.
Perque a trista realidat ye que l'aragonés ni sisquiera no conta con o refirme social neseçário ta que una luenga minorizata tienga bel futuro.
E a culpa ye tota nuestra.

Un cabo d'anyo ta ricordar

2011-04-13T08:39:00.000-07:00

Agora, en l’abril de l’anyo 2011 no podemos, ni devemos, oblidar ixe atro abril, l’abril de 1931. Difícil i ye dixar de veyer as grandiças semellanças que b’ha entre a proclamacion d’a segunda republica e l’actual sistema que padeixemos. D’entre totas ixas semellanças, descuella vistera, agora como altalle, una: l’ódio criminal á o cristianismo.
Faigamos una mica d’alcordança: a zarrata d’a Basilica d’a Val d’os Caitos, o disprécio á o Santo Pair en a suya visita t’as Espanyas, a profanacion d’ilésias e capiellas, a cremata de templos, o clamamiento á procesions blasfemas, os articlos que escalivan l’ódio religioso (u qué atra cosa fan testos como este?) entre atros feitos condenables de tot.
Agora, en l’abril de l’anyo 2011 no podemos, ni devemos, oblidar que a republica naixió d’a ilegitimidat, d’a manipolacion d’os resultatos d’unas esleccions, monecipals, que no ganon pas os partidários d’ixe regimen. Seguntes l’Anuário Estatistico de 1931, d’os 81.099 concellers trigatos, 26.257 en yeran monarquicos e 24.731 republicanos, incluyindo-bi 4.813 juratos socialistas e 15 comunistas. Á ixas cifras b’ha que adibir as correspondients á os concellers trigatos o 5 d’abril per aplicacion de l’articlo 29, ye decir per candidatura unica; ixos datos ya los heva ofreixitos o ministério d'a Gobernacion antes d’o 12 d’abril sin que dengun no los discutás. As cifras yeran claras: 14.018 concellers monarquicos e solo que 1.832 republicanos. Ademés, historiadors d'o prestígio de don Ricardo de la Cierva creyen prevato que l’Anuário yera manipoliato e que a victória monarquica estió mesmo mayor. Pero, encara que s'accepten as cifras oficials republicanas, a qüestion ye incontestable: 40.275 concellers monarquicos e 26.563 republicano-socialistas.
Agora, en l’abril de l’anyo 2011 no podemos, ni devemos, oblidar que a ilegitimidat d’a republica continó durant tota la suya enatiça existéncia, fendo d’o crimen e o delicto una ferramienta ta imposar-se, e mesmo fer disapareixer, á buena cosa d’a poblacion, que no la quereva pas. Asinas ya en mayo de 1931, entre os dias 10 e 15 concretament, se cremon tota mena d’edifícios religiosos (ilésias, colégios, palácios bispals, etc.) deban d’a pasividat, quasi complicidat, d’as autoridaz republicanas. En ixas jornatas, en ciudaz como Madrid, Malaga, Sevilla, Cádiz, Cordoba, Múrcia u Valéncia se cremon un centenar d’edifícios.
O episódio fiço ricordar os sucesos d’a Semana Tragica de 1909.
Ixe anticlericalismo salvage veniva empentato per a mesma constitucion republicana que, entre atras bestieças, proclamava: “Quedan disueltas aquellas Órdenes religiosas que estatutariamente impongan, además de los tres votos canónicos, otro especial de obediencia a autoridad distinta de la legítima del Estado. Sus bienes serán nacionalizados y afectados a fines benéficos y docentes.” (articlo 26); e, n’o suyo articlo 27, continava: “Todas las confesiones podrán ejercer sus cultos privadamente. Las manifestaciones públicas del culto habrán de ser, en cada caso, autorizadas por el Gobierno.” (Nos sona, no verdat?).
Con ixos bimbres no nos almira que en 1934, en a sanguinosa revolucion que empenton as fuerças d’a zurda, verdadera declaracion de guerra civil, como reaccion á la suya redota electoral, s’asesinás á 34 religiosos e s’enrestisen 58 ilésias, o palácio bispal e a Cambra Santa d’a Seu d’Oviedo.
Agora, en l’abril de l’anyo 2011 no podemos, ni devemos, oblidar que si callamos deban d’os altroxes, si nos quedamos cútios deban d’as enrestitas, o mal campará salvage per as Espanyas. Ya en tenemos d’experéncia.

No se'n enteran

2011-04-11T03:54:00.000-07:00

Ni sisquiera son egoïstas, no son que ignorants. Los fan servir como monyacos. Desigen afogar un lugar, Erés, e privar a vida de tota una comarca, A Galliguera, e no paran cuenta que l'augua d'ixe pantano, que tanto dicen nesecitar, no'n será ta els, que será, entre atros usos, t'a transcolata d'o Ebro.
Ni sisquiera son egoïstas, no son que ignorants. No satisfeitos con vivir d'as subvencions, ye decir d'os nuestros diners, desigen agora progectos economicament e ecologica insustenibles como si n'o b'hes alternativas muito més baratas, e mica perjudicials t'a gent d'a Montanya, que guarancian mesmo millor os riegos suyos. A qui le interese, o suyo pantano tiene un presupuesto total que blinca d'os 120 millons d'euros (20.000 millons de pecetas)
Ni sisquiera son egoïstas, no son que ignorants. Pero quántos diners nos costa ixa ignoráncia! No contentos con as subvencions que toz os anyos les atogan os diferents guviernos -con os nuestros diners, cal ricordar-lo una atra vegata-, Riegos del Alto Aragón demanda d'espeso inversions de mils de millons (Biscarrués no ye a unica obra que revindican estos sinyors) ta embalsar més augua que afoga lugars e paisages e história quan os suyos sistemas de riegos, os piors d'as Espanyas, malfurrian l'augua arrienda.
Ni sisquiera son egoïstas, no son que ignorants. E cómo doleva veyer-los manifestar-sen este cabo de semana a Zaragoça, esberlecando sin conoiximiento. Bien se vale que o domingo, a Madrid, cientos de mils d'espanyols salion t'a carrera a manifestar-sen per una buena causa. Qué diferiéncia.

Dia d'a Victória

2011-04-01T14:37:00.000-07:00

En el día de hoy, cautivo y desarmado el Ejército Rojo, han alcanzado las tropas nacionales sus últimos objetivos militares. La guerra ha terminado. El Generalísimo
Franco
Burgos 1º abril 1939

Hue. quan os criminals sobreixitos d’ódio e resentimiento quieren fer-nos creyer que as suyas mentiras son memória, que as suyas mentiras son história, ye menister recordar que fa 82 anyos o heroïsmo d’o pueblo espanyol aconsiguió meter fin á la sanguinosa baruca en que a r.i.p.ublica heva capuçato á la nuestra Pátria.
Ye verdat que, á la fin, o franquismo no dixó d’estar una oportunidat malmesa; pero hue, més que nunca, ye hora de recordar á os nuestros heroes, á os valients que con o suyo sacrifício podion, per primer vegata, redotar o marxismo.
Hue, agora como altalle, agora como siempre, ye hora de chilar de nuevas Viva Cristo Rei e aprestar-nos á la luita, á la Cruçata. Sin ódio, con dignidat.

A indignidat d'as Cortes

2011-03-28T10:41:00.000-07:00

O pasato viernes, as Cortes d’Aragon zarron a suya puenda de sesions per esta legislatura. No sé si belun se’n havrá apercibito. No pas yo, que no los trobo á faltar. Igual como no trobo á faltar á ixe president autonomico, que fa de secretário de quimisió á Madrid, e ya no exerze de caporal d’Aragon. No sé ta qué pagamos os bogals sueldos de tota esta gentota que o suyo treballo ye prescindible de tot.
O caso ye que o pasato viernes as Cortes d’Aragon rematon a legislatura, e cómo lo fiçon? Pos aprevando una lei sobre ixo que beluns claman muerte digna, encara que mica aduye á la dignidat d’a persona ni á l’exercício d’a prautica sanitária.
Talment as cortes d’Aragon no sabevan que o sabado yera o dia internacional d’a vida e que, per ixo mesmo, b’havió 80 concentracions en Espanya, tamien en Aragon, an que cientos de mils de personas desigiemos o respecto á o primero d’os dreitos humanos. Talment as Cortes d’Aragon tampoco no sabevan que as familias aragonesas son as que pagan més impuestos de tota Espanya. A cifra no ye chiqueta: una família meya que tienga rentos d’o treballo de dica 44.000 euros, fillos chiquez e pague hipoteca caixará d’impuestos 3.540 euros, o que ye 2.910 euros més que a mesma família en Castiella e Lion. Pero claro, sobre ixo no legislan pas as Cortes nuestras, a prioridat ye o dreito á la muerte digna, no pas a proteccion d’a família.
Tampoco no legislan ta millorar a sanidat. Á las suyas sinyorias no se les da mica que as nuestras listas d’aspera no faigan que creixer, que, dende que ye l’autonomia qui s’ha feito cargo d’as transferéncia de sanidat, a calidat de toz os sevícios no faiga que empiorar. Ni b’ha meyos ni b’ha personal, pero sobre ixo no legislan pas as Cortes nuestras, a prioridat ye o dreito á la muerte digna, no pas á la sanidat digna.
O pasato viernes, as Cortes d’Aragon zarron a suya puenda de sesions per esta legislatura. Asinas per lo menos dixaran d’emporquiar, encara que només siga que bels meses, o nombre d’una institucion que ye milenária e que os actuals deputaus han convertito en un circo; un circo indigno e caro.

O empanadico de Morales

2011-03-23T04:33:00.000-07:00

A realidat supera la ficcion: a foto no ye pas mica montage. Evo Morales en estato puro. Evo Morales esprituato per Dalí. Evo Morales festellando no sé sabe qué festividat aborigen. Perque a fiesta d’a Pachamama, u d’a Mair Tierra, u de cómo diaples la quieran clamar, se perdió fa sieglos e ya no se sabe pas ni qué ni cómo se i celebrava.
Pero ixo rai. En puesto de vivir a Quaresma e parar a Pasqua, que buena honra le faria, aquí bi ye Evo Morales: fendo de nuevas o rediclo.
Diz que a culpa ye d’as enqüestas, que si fa tasament un anyo amonstravan un 70% de refirme á la suya gestion, agora os satisfeitos con as politicas moralianas no plegan en o 38%. En una situacion asinas, qualsiquier estadista sabe que si cal fer l’índio, pos se fa. Realpolitik me pa que le dicen.
Con tot, qualcosa cal reconeixer-le á Evo: no caye tan baixo como Sarkozy u Obama, que quan as enqüestas los castigan o que fan ye una guerra. E més luen encara en ye de Rodríguez, que ixe fa la guerra e o rediclo, tot de vez e con parellana torpeça. E nusatros, tanimientres, veyendo cómo pleve.

Investigacions criminals

2011-03-14T12:11:00.000-07:00

En un nuevo eixemplo de cómo a cultura d’a muerte empesta totas as árias d’a nuestra dolenta sociedat, o Instituto Universitario de Biocomputación y Física de Sistemas Complejos (BIFI) ha aconseguito a primer autorizacion feita en Aragon ta investigar

con celulas mairs procedents d’embrions humanos. En estos tiempos asesinadors, no faltan bels investigadors que, con o refirme de muitos politicos, afirman que ye posible matar directament embrions de sers humanos como si no fuesen que ogetos d’investigacion, e nos fan á toz complices d’ixos asesinatos á traviés d’o uso de fondos publicos adedicatos á ditas investigacions.

Dica agora, en Aragon no se permitiva fer servir celulas quitatas d’embrions humanos ta garra mena d'investigacion. A prohibicion, logica de tot, no privava que, actualment, b’haiga en Aragon 14 progectos que treballan con celulas mair adultas que se extrayen, per eixemplo, d’a sangre de cordon umbilical u d’o teixito adiposo, sin estricallar garra vida. A naturaleça nos ofreix amplos recursos ta aconseguir progresar en os tractamientos medicos sin crepar as normas morals. Per eixemplo, as celulas mair de teixitos adultos e a sangre d’o cordon umbilical, emplegatas, como s’ha dito, dica agora en a nuestra region, tienen muitas més posibilidaz d’investigacion que no se creyeva.

Enatiça sociedat que esfiende que a fin justifica os meyos e oblida que l’embrion ye un ser humano; que, dende a concepcion enta devant, un embrion ye tan miembro d’a espécie humana como qualsiquiera de nusatros; que tiene l'adotacion completa de gens humanos e se desenvolica d’una traça que ye exclusiva d’os sers humanos.

O futuro fa miedo perque o present fa fástio.

5 de março, qué celebraz?

2011-03-03T02:05:00.000-08:00

O cinco de março de 1838 Juan Cabañero y Esponera, infançon d’as Tierras Baixas d’Aragon e militar carlista, á o mando de dos mils infants e tres cientos cavallos, prevó de conquistar a ciudat de Zaragoça, encara que, bien lo sabeva el, a plaça yera esfendita per tropas muito superiors en numbro e armamento. Contava con l’aduya d’os partidários carlistas d’a ciudat e o factor sorpresa. Con tot e con ixo, como yera de dar, l’accion no tenió mica exito e as tropas carlistas estion derrotatas. Per muito justa que seiga a tuya causa, si no tiens que viellos mosquetons, malament puedes luitar cuentra baterias de canyons.
O cinco de março ye festivo á Zaragoça. Fa anyos sacon d’o calandário a festividat d’o 18 de juliol. Nos decivan que no se deveva festellar a muerte d’uns espanyols á mans d’atros espanyols. Pareix que ixe argumento no sirve pas quan os muertos, os vencitos, son carlistas; prou sabemos qué historica ye a memória de bellas gentotas.
O cinco de março ye festivo á Zaragoça. Con o patrocínio d’o concello d’a ciudat, buena cosa de gent s‘ençorraran dica o coma etilico, s’enreligaran en pecinas (mesmo asesinatos b’ha haviu atros anyos) e s’esvolustraran como tocinos en as toneladas de vasuera que arrullaran en uno d’os polmons d’a ciudat (veyez una foto de cómo dixon o Parque d’Orient l’anyo pasato). As arcas monecipals malfurriaran bogals os diners d’os impuestos; ademés, ye anyo electoral
O cinco de março ye festivo á Zaragoça. Fa 73 anyos, bels cientos de valients supon luitar, e morir, con honor en esfensa d’os suyos ideyals. Hue, bels mils de capinos feran botellaz, mientres esberlecan e gomecan e pixan satisfeitos n'o mobible urbano, entre as risiquetas megas d'os caporals politicos.
O cinco de março ye festivo a Zaragoça. Eloqüent envista de cómo l’heréncio liberal ha estricallato a dignidat d’a nuestra pátria.

Sant Fernando, verdadero pair d'a Pátria Andaluça

2011-02-25T15:59:00.000-08:00

Igual como l'anyo pasato, tornamos á adibir-nos á la iniciativa, podez leyer-ne més informacion en a bitacora Santo Reino Tradicionalista, ta que se reconeixca á o rei Fernando III o Santo como pair d'a Pátria Andaluça.
Sant Fernado yera fillo de Berenguela I, reina de Castiella, e d'Alifonso IX, rei de Leon. Durant o suyo reinato s'unificon definitivament as coronas de Castiella e Leon, que yeran estatas deseparatas dende que Alifonso VII o Emperador, á la suya muerte, las repartís entre os suyos fillos, os infants Fernando e Sancho.
Durant o reinato de Fernando III fuen reconquistatas entre atras plaças, as ciudaz de Cordova, Sevilla, Jaen e Múrcia, fendo retacular os reinos musulmans dic'as actuals províncias de Uelva, Cádiz, Malaga, Granada e Almeria.
Fue canonizato en 1671 per lo Papa Climient X. O Papa Gregório IX lo clamó «Atleta de Cristo», e lo Pontifice Inocéncio IV le dio o títol de «Campion invicto de Gesu Cristo».
O epitáfio d'o rei resume perfectament a suya personalidat e a suya obra:

AQUI YACE EL MUY ONRADO HERNANDO SEÑOR DE CASTIELLA, E DE TOLEDO, E DE LEON, E DE GALICIA, DE SEVILLA, DE CORDOVA, DE MURCIA, DE JAHEN, EL QUE CONQUISSO TODA ESPAÑA, EL MAS LEAL, EL MAS VERDADERO, EL MAS FRANCO, EL MAS ESFORZADO, EL MAS APUESTO, EL MAS GRANADO, EL MAS SOFRIDO, EL MAS HOMILDOSO, EL QUE MAS TEMIE A DIOS, EL QUE MAS LE FAZIE SERVICIO, EL QUE QUEBRANTO E DESTRUYO A TODOS SUS ENEMIGOS, EL QUE ALZO E ONRO TODOS SUS AMIGOS, E CONQUISSO LA CIUDAD DE SEVILLA, QUE ES CABEZA DE TODA ESPAÑA, E PASSO EN EL POSTRIMERO DIA DE MAYO, EN LA ERA DE MIL E CC E NOVENTA

Per os suyos abraços los coneixerez

2011-02-24T03:55:00.000-08:00

Ahiere yera 23 de febrero e con ixa desincusa o rei-diz-que de-toz-os-espanyols tornó a abraçar, satisfeito, á Santiago Carrillo. No sé per qué beluns se’n ixorrotan, no ye a primer vegata que estes personages fan publico lo suyo amor. Cal ricordar que o rei ye ixe mesmo sinyor que, fa anyos, juró, solennemnet, esfender uns prencípios que dende altalle no ha feito que tradicionar.
Ye o mesmo rei que s’ha abraçato, de buen implaz, con toz os impresentables d’as Espanyas e d’o mundo enter. O mesmo rei que, no fa guaire, deciva que Rodríguez yera
una buena persona igual como dinantes deciva, respective a Esquerra Republicana de Catalunya, que charrando a gent s’entiende u que, en o funeral d'una victima d'o terrorismo, feva carinyosas palmadetas en a espalda d'Ibarretxe.
Ye o rei que ha ratificato, con a suya própia man, l’actual lei de l’alborto, igual como ya sinyó l’anterior, sin dar-se-le ni meya a vida de cientos de mils d’inocents asesinatos.
Deciva ahiere ixe sinyor que somos agora muito millor que fa trenta anyos. Lo dirá per el, per a suya família e per as suyas amistaz, no pas per a gent que, toz os dias, veigo regirando en a vasuera qualcosa ta minjar. No pas per a dignidat d’una nacion que el ha aduyato a esborrar. Que siga asinas. Tendrá tota la eternidat ta abraçar-se con Carrillo. En o infierno.

Farto

2011-02-22T03:50:00.000-08:00

E Farto de tot. Farto de que á un ninon de cinco anyez, en un colégio de Sitges, le fiquen un punto royo en o suyo expedient per charrar espanyol en o pátio de recreu. Farto de que a consellera d’Educacion d’a Generalidat, Irene Rigau, diga que a senténcia d’o Tribunal Constitucional que reconeix, ya caleva, o dreito d’os pairs á escolarizar en a luenga oficial que més s’estimen, espanyol u catalan, á os ninos d’a region no la cumpliran pas.
Farto de que o consellero de Cultura d’a Generalidat catalana, Ferran Mascarell, diga que sin dialogo no b’havrá solucion á o tema de l’arte sacro que enfrontina á las diocesis de Balbastro-Monçon e de Lerida per a propiedat de bellas cien pieças artisticas.
En una entrevista á Catalunya Informació ha dito o consellero: «Sin dialogo no b’havrá solucion. Que s’haiga creato un conflicto politico á partir de l’arte ye patarieco, perque l’arte ha á servir ta unir esmos, no ta deseparar-los. Asperamos que dimpués d’as esleccions proximas en Aragón podamos empenzipiar á dialogar. Con dialogo esto rematará; si no continará igual como agora ye».
Se’n olbida ixe sinyor que no b’ha garra conflicto e que a qüestion ye clara de raso. Se’n olbida de que o Vaticano ha ordenato, buena cosa de vegatas, á o bispau de Lerida que torne 113 pieças d’arte aragonesas que retien en o suyo poder, e que ye a Generalidat qui no da o suyo permiso.
Soi Farto. Farto de tot. Farto de que o guvierno catalan no respecte pas a justícia, ni sisquiera a legalidat, ni sisquiera o sentito comun. Mala cendella los creme.

Refusato un recurso cuentra a Lei de Luengas

2011-02-17T03:15:00.000-08:00

O Tribunal Constitucional no ha almitito á tramit o recurso presentato per once concellos aragoneses, toz els d’a zona oriental, cuentra a Lei de Luengas d’Aragon. Entre as suyas raçons sinyala que no son establitas as árias d’emplego d’as luengas e que encara no se sabe si os lugars que presenton o recurso -Fayón, Fornoles, Fraga, La Codoñera, La Ginebrosa, La Fresneda, Lascuarre, Nonaspe, Torre del Compte, Valderrobres e Aiguaviva- veyeran afectata as suyas competéncias locals, como alegavan els en o recurso, per a demandita Lei.
Manimenos, o pleno d’o Constitucional considera que si se vulnerás l’autonomía local, se podria recurrir deban d’a jurisdiccion contencioso-alministrativa. Asinas, a no almision d’o recurso no zarra definitivament a posibilidat de que a Lei seiga inconstitucional.
De seguro que os resultatos d’as esleccions monecipals de mayo e d’as generals d’o 2012 tendran muita repercusion en o conflicto.

Suicídio electoral

2011-02-16T03:55:00.001-08:00

De fuera vendran, que de casa te sacaran. Leigan vustés as cifras: quasi 11.000 foranos residents en Aragon podran votar en as proximas esleccions monecipals. E bien se vale que tasament 10.968 d’os quasi 50.000 inmigrants que levan més de cinco anyadas de residéncia legal en Aragon, e que, seguntes a nuestra patarieca e suicida lei tendrian dreito á votar en os comícios locals, han demandato á la Junta Electoral a suya participacion en as votacions, que si lo hesen feito toz, e conforme ye a nuestra demografia, a envista seria enatiça de tot.

D’entre ixos inmigrants, o colectivo més important ye o de rumanos: un 59% d’o total. En a província de Zaragoça, o numbro de rumanos supera o 61,4%. Asinas, en lugars como Ricla u Carinyena b’havrá, si Dios no i mete remeyo, candidatos naixitos en Rumania. Baixo as siglas d’o Centro Democrático Liberal (CDL), en o primer caso, e d’o Partido Ibérico de los Rumanos (Pirum), en o segundo. En Ricla, quasi o 20% d’o censo electoral ye rumano, b’ha 297 electors foranos d’un total de 1.946 vecinos con dreito á voto. Á Carinyena, os foranos representan quasi un 7% d’o total: 167 d’os 2.450 posibles electors no son espanyols. Per ixo, o Pirum ya se i vei con un jurato d’os 11 d’o concello e sonia con influyir en a color d’o nuevo equipo de guvierno d’o lugar.
En Uesca descuella o caso de Fraga, an que 390 foranos han demandato lo voto (i son quasi o 4% d’os votadors) e Binéfar (179 inmigrantes podran votar-bi). En Teruel, os casos més ixorrontadors son a capital e Alcanyiz, con 177 e 138 inmigrants que i quieren votar.
Fer-tos cargo cómo será a situacion en bel par més d'esleccions, quan i voten os que ya i son, os que i viengan tanimientres e os fillos que haigan tenito. Lo dito, esto ye un suicídio.

Cabo d'anyo de Costa

2011-02-10T03:47:00.000-08:00

Pero per qué se le fan homenages á este personage? Coneixen, encara que per d'encima, as suyas ideyas? Igual me se tiene que lo faigan pasar per progresista, pero que faigan pair de l'aragonesismo á qui quereva afogar meya Montanya ta satisfer a suya baruca agrária no les ne perdono pas.
Aragon no tiene mica memória e asinas nos preva.

Biscarrués e a nueva cultura de l'augua

2011-01-26T03:56:00.000-08:00

¿Se’n alcuerdan vustez d’a Expo de Zaragoza? No ye solo que os suyos pavellons, ixos que ivan á emplenar-sen d’oficinas e agéncias oficials ta benefício d’os ciudadanos, no son agora que enruenas e maruenyos. Ya sabévanos que l’acontecimiento seria un atro eixemplo de cómo se malfurrian os nuestros diners en progectos patariecos de tot. Ye tamien que ixa Expo iva á significar un cámbio en l’aproveitamiento de l’augua, una concenciacion sobre a suya importáncia e a nesecidat de fer-la servir ta usos racionals. A nueva cultura de l’augua, ¿se’n alcuerdan? Quan o Plan Hidrologico Nacional e a transcolata d’o Ebro no fevan que repetir-lo como un mantra que nos enfilaria t’a felicidat. A nueva cultura de l’augua, qué bien sona. Pero solo quan conviene, no se trafuquen vustez.
Perque si o tema ye o recreiximiento de Biscarrués (u Yesa u qualsiquier progecto pantanista e criminal), án queda ixa nueva cultura de l’augua? Dice o Centro de Estudios y Experimentación de Obras Públicas, con buena cosas d’informes, que o impacto ambiental d’o pantano de Biscarrués fa inviable de raso lo progecto. Yera de dar, un pantano no ye que un eixemplo d’irracionalidat economica e ecologica. ¿No i yéranos ya toz d’alcuerdo? ¿Alcaso no b’ha alternativas més eficients e, ta caramuello, respectuosas de tot con a naturaleça? Se coneix que no. Ya se i vei qué prestos han blincato furos os de siempre (o Guvierno d’Aragon, quasi toz os partitos politicos e os sindicatos agrários) á esfender o imposible. An que ahiere, ta refusar o PHN e promover a nueva cultura de l’augua, decivan blanco, hue, ta desigir o pantano de Biscarrués e os usos insustenibles d’o preciato liquido, dicen negro. Negro negriço. Sin mica vergüenya torera (u ecologica).
D’alcuerdo. Bueno ye saber-lo. Perque si casa nuestra se puede afogar per lo bien comun, tamien se puede sacrificar o resto d’Aragon per lo bien comun d’Espanya e o progreso economico d'a mayoria. Asinas que, dende agora mesmo, seré o primero que se manifieste, quan calga e de buen implaz, á favor d’a transcolata d’o Ebro. E será luego. Ya lo veyeran.

De nuevas con a muerte digna

2011-01-18T04:10:00.000-08:00

Aquels que no saben vivir dignament s’inventan o dreito a la muerte digna. Igual como s’inventon o dreito a l’alborto. Gentota que no tiene atra basémia que l’ódio e l’asesinato. Gentota que tiene a complicidat d’una sociedat anestesiata.
Hue mesmo, a Junta de Portavoces d’as Cortes d’Aragon debatirá una demanda d’Izquierda Unida ta que faiga garras a creacion d’a ponéncia que estúdie a propuesta legislativa presentata per esta fuerça politica ta reglar o que els claman os dreitos d’a persona en o proceso d’a muerte. Seguntes pareix, e per disgrácia, b’havrá alcuerdo ta aprevar a iniciativa, seis meses dimpués de que as Cortes d’Aragon acceptasen a suya tramitacion.
En os zaguers dias, b’ha havito charraços entre o unico deputato d’IU, Adolfo Barrena, e caporals d’o PSOE ta aligenciar a qüestion. Cal recordar que en o pleno d’o pasato mes de junyo respective a este tema, o PSOE e a CHA refirmon l’almision d’a iniciativa d’IU an que o PAR s’abstuvo e o PP votó en cuentra (podez consultar-ne a dentrata correspondient).
Dende altalle, b’ha havito quatre prorrogas demandatas per as collas ta que s’amplás o periodo de presentacion d’esmiendas. Si a la fin a iniciativa fa garras Aragon será a segunda region,a l’arreu d’Andalucia, que apreve a eutanásia. Diz que en março, o guvierno d’Espanya en presentará o suyo progecto de lei, a o que clamaran Lei de Cuidaus Paliativos e Muerte Digna. Malament.

Més crimens musulmans contra os cristianos

2011-01-12T04:03:00.000-08:00

En un atro episódio d’a violéncia genocida contra os cristianos en os païses musulmans, un policia asesió anueit á un pasagero e firió á atros cinco, toz els cristianos coptos, en dispara-les en un tren aturato en a estacion d’a ciudat de Samalut, en Egipto.
A victima d’a suya enrestita ye un viello de 71 anyos. A suya muller ye una d’as cinco personas feritas en o crimen. Dos d’os feritos son graus.
Manifestants cristianos s’enfrontinon á las fuerças de seguridat devan de l’hespital an que permaneixen ingresatos es cinco feritos, quatre mullers e un hombre, tiroteyatos en a enrestita.
Os manifestants prevon de dentrar en o centro sanitário e os policías les ne privon, per lo que empencipion, siempre seguntes a version oficial, á arrullar piedras á os agents que emburçon á os coptos con gases lacrimógenos.
En este vinclo, en inglés, ixo sí, tenez muita informacion sobre o genocídio contra os coptos.
Antiparti en Nigéria, en a redolada d’a ciudad de Jos, continan as enrestitas contra os lugars de mayoria cristiana. En esta zaguer ocasión, es muertos son, á lo menos, trece. A violéncia islamista contra os cristianos en Nigéria, an que os musulmans son mayoria n’o norte d’o país, no fa sique creixer per cada anyo. Igual como en quasi toz os païses con mayoria islamica.
Mesmo en Europa s’atriven os musulmans á menaçar á las comunidaz de cristianos que, victimas d’o terror islamista, huvon á dixar as suyas nacions.

Buen Nadal

2010-12-20T03:28:00.000-08:00

gloria in altissimis Deo et in terra pax in hominibus bonae voluntatis (Lc 2:14)

Con estas parolas, que San Lucas quaterna en o suyo Evangélio, con as que os ángels saludon á o nuestro Sinyor, tos foi arribar os mios millors deseyos en estos dias tan especials. Buen Nadal á toz e que sepamos fer-nos mereixedors d'a bendicion de Dios.

Consello superior d'as Luengas d'Aragon

2010-12-14T03:29:00.000-08:00

O pasato 10 d'aviento se constituyó, á la fin, o Consello Superior d'as Luengas d'Aragon. Tiene un amplo, e difícil, treballo per fer. O suyo primer president ye o socialista José Bada, que yera o miembro de més edat. Bien se vale que solo lo será que provisionalment. Bada estió consellero de cultura entre 1983 e 1987 e empentó a clamata Declaracion de Mequinença (1984) que significó l'emprencípio d'a ensenyança e dignificacion d'o catalan d'Aragon. Durant o suyo mandadato, manimenos, a situacion de l'aragonés no amilloró mica e continó dispreciato e marguinato de tot.
Os miembros d'o Consello superior d'as Luengas d'Aragon son:
Per as Cortes d’Aragon:
- Don Enrique Badía Gracia.
- Don José Ignacio López Susín.
- Doña Marta Marín Bráviz.
- Don Alberto Moragrega Julián.
- Don Chusé Raúl Usón Serrano.
Per lo Guvierno d’Aragon:
- Don Manuel Castán Espot.
- Don José Bada Panillo.
- Doña María del Carmen Alcover Pinós.
- Don Fernando Sánchez Pitarch.
- Don José Ignacio Micolau Adell.
Per a Universidat de Zaragoça:
- Don Javier Giralt Latorre.
- Don Francisco Nagore Lain.
- Doña María Antonia Martín Zorraquino.
- Doña Luisa María Frutos Mejías.
- Don Francisco Beltrán Lloris.
B'havrá á veyer cómo s'apanyan entre els e si saben aladiar os suyos problemas personals ta fer cumplir a mision que a Lei de Luengas les atorga: fer politica lingüistica e no pas politica pecinera.

O núncio e os bispes catalans

2010-12-09T02:58:00.000-08:00

Ya caleva: á la fin o núncio vaticano, Renzo Fratini, ha desigito á toz es bispes d'as diez diocesis d'a Conferéncia Episcopal Tarraconense que sinyen un decumento de refirme t'a tornata d'os biens d'as parróquias de l'Aragon oriental retenitos en Lerida. Se refirmará, asinas, o compromís alquirito lo pasato 27 d'octubre per parti d'o bispe de Lerida, Joan Piris.
Será menister, tamien e més que més, que as autoridaz civils catalanas dixen de negar-se á entregar as pieças ta que a voluntat d'a Ilésia, que ye qui decide án han á estar os suyos biens, se faiga valera. Perque tamien cal ricordar que ya en 2008 Francesc Xavier Ciuraneta, altalle bispe de Lerida, sinyó un decumento ta tornar ta Aragon l'arte sacro aragonés. Qualcosa que encara siguimos asperando.

D'Académias e ortografias

2010-11-22T03:49:00.000-08:00

Per si encara caleva, o guvierno d’Aragon ha dixato claro de tot que a propuesta ortografica d’o Estudio de Filología Aragonesa no ye que ixo, una propuesta e que ye, ademés,a propuesta d’una asociacion, no pas a norma d’una institucion.
O pasato jueves, o EFA feva a presentacion d’a suya grafia en o IES Zurita de Zaragoça. Pos bien, en ixe mesmo auto, o viceconsellero de cultura d’a DGA, Juan José Vázquez, s’exprisó muito clarament: a ortografia que se i presentava no yera pas a ortografia de l’aragonés, perque a ortografia havrá a elaborar-la l’Académia que naixca d’o Cosello Superior de Luengas que se constituyirá o proximo 13 d’aviento.
Ya se sabeva prou que a o guvierno d’Aragon no le feva mica goi que o EFA se presentás como académia, quan no’n tiene mica legitimidat e que, per ixa mesma raçon, ya les heva demandato dinantes que dixasen de fer servir una denominacion que no les correspondeva; pero que ixa carranyata la faiga esclatera en un auto organizato per a própia asociacion, que no institución, ye doplement significativo.
E o viceconsellero en charró claro: quan emplegó a parola “académia” se refirió siempre a la institucion que deve crear o Consello Superior de Luenguas, e no a l’asociacion que i presentava una atra propuesta, que ni sisquiera ye millor que as propuestas ya existents.
"Esa Academia (a que debe crear o Consello) será reconocida como autoridad para proponer una 'Ortografía', que es el primer elemento para desarrollar la Ley de Lenguas" -dizió literalment Vázquez-. Esta que se presenta hoy no es 'la' Ortografía", adivió.
De vez, ixe mesmo dia 18, uno d’os 17 miembros de l’autodenominata “Academia de l'Aragonés”, Manuel Marqués, presentó a suya dimision per desalcuerdo con ixas normas graficas presentatas.

Quí ye o president d'Aragon?

2010-11-15T10:59:00.000-08:00

Dende fa bellas semanas, Marcelino Iglesinas apareix contino en toz os meyos de comunicacion nacionals. Un dia á l'arreu de la otro se le vei tot serioso fendo qualque declaracion en os noticiários d'a television. A cosa estaria muito bien si qui charrás fues o president d'Aragon, pero no, qui emplena os espácios informativos ye o secretário d'organizacion d'o PSOE.
Dende que albandonó lo partito comunista e dentró en o PSOE, á primers d'os uitanta, Marcelino ye estato siempre un hombre de l'aparato, millor dito, un servidor d'o poder. Este monitor d'esquí pasó de l'alcaldia d'o suyo lugaron, Bonansa, t'a Diputacion Provincial de Uesca grácias á la suya habilidat ta trasquir con totas as politicas que dende a secretaria general d'o PSOE madrilenyo l'imposavan.
Si o PSOE deciva que caleva fer un pantano que, entre atras esferras, afogás o lugar de Campo, el, encara que ribagorçano, deciva que sí. Si Felipe González esfendeva a trascolata d'o Ebro, el, encara que aragonés, deciva que sí. Que o PSOE madrilenyo perdeva o poder e yera o PP o que promoveva os pantanos e a trascolata, altalle Marcelino se meteva o primero en a manifestacion en contra d'as politicas hidraulicas asesinaderas.
Con ixe espritu de servício, o PSOE lo trigó candidato á la presidéncia autonomica e os aragoneses, á penar d'a incoheréncia d'o personage, lo voton ta o cargo. Sí, tenemos o que nos mereixemos. Per ixo, Rodríguez lo prémia agora con a secretaria d'organizacion, sabedor de que Marcelino dirá hue blanco e manyana negro sin amonstrar a més chiqueta racada de vergüenya.
A unica dubta ye, si Iglesias, aqueferato de tot con a nueva responsabilidat d'o partito, ni sisquiera no pisa Aragon, quí fa agora de president d'a region? No ye que lo trobemos á faltar, pero, si nos podemos escusar o cargo, e o gasto, per qué no nos lo escusamos ta cútio? E millor, per qué no nos escusamos ta cútio, e de raso, tota l'alministracion autonomica? Total, ta la honra que nos fan.

Ent'a islamizacion de Ceuta

2010-11-10T08:05:00.001-08:00

A ciudat espanyola de Ceuta celebrará, per primer vegata en a suya história, una festividat musulmana, a fiesta d'o cordero, á l'atra la semana. Ixe dia se sacrificaran bels 6.000 corders en unas carpas devantatas á exprés t'a ocasion.
L'alcuerdo lo prenion o PP, o PSOE e a UDCE (Unión Democrática Ceutí) dimpués d'a demanda presentata per este zaguer partito. Antiparti, o Partido Democrático y Social de Ceuta, PDSC, ha demandato aduyas ta que a ciudat subvencione á las famílias musulmanas que, per problemas economicos, no puedan permitir-sen l'alquisicion d'o pobre animalet.
Os laicos ceutins, que belun en b'havrá, no han tartito pas.

O Santo Pair, os laicistas e a realidat espanyola

2010-11-08T11:12:00.000-08:00

A visita ta Espanya d'o santo Pair ha tornato á amostrar-nos l'altária intelectual e a grandária evangelica de Benedicto XVI. Ya en o viage, en a entrevista que le fiçon beluns d'os periodistas que l'alcompanyavan en l'avion papal a suya Santidat atraçó encertadament una envista d'a história, a cultura e a problematica d'a nuestra Pátria:

La Spagna è stata, da sempre, un Paese “originario” della fede; pensiamo che la rinascita del cattolicesimo nell’epoca moderna avviene soprattutto grazie alla Spagna; figure come sant’Ignazio di Loyola, santa Teresa d’Avila e san Giovanni d’Avila, sono figure che hanno realmente rinnovato il cattolicesimo, hanno formato la fisionomia del cattolicesimo moderno.
Ma è ugualmente vero che in Spagna è nata anche una laicità, un anticlericalismo, un secolarismo forte e aggressivo, come abbiamo visto proprio negli anni Trenta, e questa disputa, più questo scontro tra fede e modernità, ambedue molto vivaci, si realizza anche oggi di nuovo in Spagna: perciò per il futuro della fede e dell’incontro - non lo scontro, ma l’incontro tra fede e laicità - ha un punto centrale anche proprio nella cultura spagnola. In questo senso, ho pensato a tutti i grandi Paesi dell’Occidente, ma soprattutto anche alla Spagna.
Proafés, as parolas d'o Papa estion ascape presentatas como desageracions, como una enrestita contr'a libertat, como una tornata t'a foscor, e tota ixa salmódia anticleigal que tánto goi fa á beluns.
Manimenos, ixe mesmo dia, con o Santo Pair en as Espanyas, á escuso, o guvierno d'o PSOE trancó á o culto a ilésia d'a santa Cruz d'a Val d'os Caitos, una ilésia que en l'anyo 1960 yera estata elevata á la categoria de Basilica per lo Papa Juan XXIII.
Un recinto que no solo ye património d'o estato, sino que ye, per dencima de tot, un puesto de culto, un fosal an que honrar á os muertos e un espácio an que fer posible a reconciliacion e o perdon entre toz os espanyols.
Bien se vale que os monges s'han oposato á ixa mida e continan fendo a Santa Misa en a plana que bi ha en o exterior d'o recinto toz os domigos á las once d'o maitino. Qui pueda ir-bi, que esfienda a nuestra fé con a suya preséncia, qui no, que lo faiga con as suyas oracions.

Podez leyer a entrevista completa á o Papa, o italiano ye una luenga de buen entender, aquí

Concentracion per a tornata d'o património religioso

2010-11-08T03:53:00.000-08:00

Bellas quatre mil personas se concentron ahiere en a plaça d'o pilar de Zaragoça ta desigir o que ye nuestro: as obras d'arte d'as parróquias de muitos lugars aragoneses retenitas ilegalment en Catalunya.
Prou que ye una qüestion que ha á solucionar a Ilésia -totas as suyas resolucions ya han dato a raçon á las demandas aragonesas- pero o problema no ye solo que religioso e, justament per ixo, ye un problema. Son as autoridaz catalanas as que no adempríbian as decisons d'o Vaticano e se negan á tornar os biens. Son as autoridaz catalanas as que subvencionan, con cincocientos mil euros!, á l'asociacion d'amigos d'o museu de Lerida ta que preve d'enrebullar e prolargar a solucion en os tribunals. Son as autoridaz catalanas as que enverenan as relacions entre dos regions no solo que vecinas sino germanas. Sin oblidar que son as autoridaz aragonesas as que han á veilar per es nuestros intereses, quan á sovent ye tot o contrário.
Ahiere a concentracion no tenió mica repercusion en os meyos ¿informativos? nacionals. Ixe ye tamien o problema.

Jaime I e a nacion catalana

2010-11-03T04:21:00.000-07:00

ERC ha feito publico un manifiesto, presentato este zaguer luns en o monestério de Poblet (Tarragona), en o que se proclama "la força dels Països Catalans", ixe território menos historico que l'Atlantida u El Dorado , en o que i fican els as comarcas orientals d'Aragon.
En ixe mesmo auto, cal ricordar que Poblet ye tamien pantion d'os reis d'a Corona d'Aragon, o president d'ERC, Joan Puigcercós, calificó á Jaime I como "forjador de la nació catalana" e, dimpués d'ofreixer una corona de flors en a suya fuesa, aproveitó ta fer tota mena de revindicacions culturals e economicas, ye decir imperialistas e expoliaderas.
Perque ixa ye a tragédia, que en manipoliar a história, beluns no buscan que mantener, u fer creixer, os suyos privilégios. E, ta caramuello, no satisfeitos con furtar-nos l'arte e a história, con privar as nuestras vias de comunicacion e posibilidaz de desarrollo, hemos á aguantar que nos digan que nusatros somos os colonizadors e os imperialistas.
Sisquiera Jaime I devantás a cabeça e autuás como el sabeva.

A suya memória historica

2010-10-26T03:26:00.000-07:00

Toz sabemos que a mentira ixa que claman memória historica no ye que una desincusa ta, en refendo o pasato, desfer o present e construyir, asinas, una sociedat sin prencípios ni valuras que s'ajuste a las barucas d'os nuestros caporals. De vez, bels profesionals de l'ódio fan creixer o suyo penible curriclo e, prou que sí, s'emplenan as pochas a cargo d'os nuestros impuestos.

A nueit d'o 22 a o 23 d'octubre, o Camposanto d'os Mártirs d'Aravaca estió enrestito e profanato per criminals d'extrema zurda. No ye a primer vegata que sucede qualcosa parellana, fa bels anyos que as alimárias gosan presentar-sen como son.

A o canto d'o fosal monecipal d'Aravaca, bi son apedecatos una colla de represaliatos per as fuerças republicanas en os primers meses d'a Guerra Civil. Entre els, bi ha religiosos, militants de partitos de dreitas, monarquicos u falangistas. Toz inocents, sin atro delicto que as suyas ideyas e a suya fe. Como don Ramiro de Maeztu, uno d'os més prestigiosos intelectuals espanyols d'o pasato sieglo e que tamien estió afusilato en Aravaca. No nos ne olbidemos, que beluns prou que lo ricuerdan ta poder repetir-lo.

Pajín ye a solucion

2010-10-20T07:51:00.000-07:00

Quí s'atrivirá a negar agora que Rodríguez ye tot un estadista? Si o futuro d'o sistema publico de pensions menaça con crepar-se, a solucion ye simpla: femos a Pajín ministra de sanidat. Talment asinas l'asperança de vida d'os espanyols baixe ambute e puedan guaranciar-se ta o futuro as abondas e vitalícias pensions d'os nuestros caporals, ixas a las que se fan mereixedors malas que son bels pocos anyez en qualsiquier puesto oficial.

Si con tot e con ixo, a envista no millora, que a situacion d'a economia espanyola ye maliça de tot, siempre tenemos a eutanásia presta. Per no charrar de qui ye o nuevo vicepresident. Ciertament, tot puede empiorar, mesmo os guviernos penibles e os pueblos covardes. Que no tardemos guaire a dispertar, no siga que ya no b'haiga pátria que salvar.

A Virgen d'o Pilar

2010-10-19T03:36:00.000-07:00

Bella aventaxa ha de tener no fer vacáncias de verano, per eixemplo que asinas puedo fer-las d'octubre e marchar ta Zaragoça pa os Pilars como quan yere jovenastro. Á penar d'os capins e d'o botellaz institucional en he disfrutau arrienda d'a fiesta e m'he tornato á maravillar con a vitalidat, encara que les duelga, d'a religiosidat d'a nuestra gent. Perque l’advocacion d’a Virgen d’o Pilar, dende os suyos orígens, ye uno d’os alacez no so que d’a religiosidat aragonesa, sino mesmo d’a identidat d’a region; dic’o punto de que ye mil anyos anterior á o naiximiento d’o própio Aragon. Como ye de toz sabito, a Virgen Maria, dende Gerusalem, an que encara viviva antes d’a suya Asuncion, s’aparixió miraglosament, e en carne mortal, á l’Apóstol Santiago o Mayor ta acorporar-lo en a suya mision d’evangelizacion d’Hispánia. En ricuerdo d’ixe feito se devantó en aquel puesto una humil capiella en honor d’a Nuestra Sinyora, venerando-se-bi a suya imagen sobre un pilar u colunna.
A devocion no fiço que creixer con os sieglos, mesmo baixo lo domínio musulman, estendillando-se dellá d’a ciudat e o Reino ta plegar en toz os continents. Ye una devocion popular que naix d’as glarimas, as asperanças e a fe de tot un pueblo. Més que més dende o miraglo feito n’a persona de Miguel Pellicer, o conoixito como coixo de Calanda a devocion á Maria d’o Pilar, s’esparde rapedament per as tierras aragonesas e espanyolas. En Aragon no bi ha garra ilésia parroquial de bella importáncia, garra convento u monestério que no tienga una capiella u altar devotato á la Virgen d’o Pilar. En os zaguers anyos d’o sieglo XIX, yera rara a seu espanyola que no tenés un altar adedicato á la Virgen d’o Pilar. Ilésias, conventos, colégios, hespitals, vicos, e tota mena d’institucion, exprisan clarament dica qué punto ye present esta forma de devoción mariana en as Espanyas. Bien puede decir-se que mesmo hue, quan as circunstáncias no son precisamnet guaire favorables á las manifestacions religiosas, a devocion á o Pilar en Espanya sigue creixendo e mantenindo as suyas peculiaridaz e fervor. No b’ha que fer-se una gambadeta per Zaragoça estos dias, como remato de fer yo, ta comprevar-lo con argüello e goyo.
O culto á la Virgen d’o Pilar difuera d’Espanya tamien alquirió una rapeda e ampla preséncia, se puede asegurar que en o sieglo XVII, yeran escasas as árias continentals an que no ibi es una imagen d’a Virgen d’o Pilar. Arrienda son os misioners, mosens, religiosos, fundadors de congregacions, e tota mena depersonages espanyols, que més que més n’o sieglo XVII, nabesan o mundo hispanico, evangelizando, comerciando, estatuecendo colégios e universidaz, santuários e catedrales, dixando-bi una imagen de Santa Maria como presentalla, ricuerdo u testimónio. Como eixemplo d’esta universalidat, bels puestos an que se le da culto: -Africa: Annobón, Anvan (Guinea), Alkararquibis (Marruecos), Asafo (Ghana), Bala (Guinea), Banapa (Guinea), Bátete, Benguela (Angola), Biapa, Cla-ret, Cabo San Juan, Honrubia (Guinea), Jarache (Marruecos), Katanga (Kenya), Ngokua (Guinea), Rio Martin, Ruben Gheri (Rwanda), Santa Isabel, Tetuan, Villa Cisneros.
-Hispanoamerica: Argentina: Buenos Aires, Córdoba, Corrientes, Chacabuco, Lujan, Mendoza, Puebla del Pilar, Pilar (Buenos Aires), Rancyo, Río Cuarto (Córdoba), Rosario, San José de la Esquina, San Juan de Cuyo, San Miguel de Paraná, Santiago del Estero, San Fe, Tucumán. Bolivia: Cobija, La Paz, Sucre. Chile: Bis Bis, Concepción, Curizo, Linares, Osorno, Puerto Domínguez, San José de Mariquina, Santiago de Chile, Talca, Valparaíso. Colombia: Bogotá, Bucaramanga, Cartagena, Choco, Dos Caminos, Manizales, Medellín, Monteagudo, San Andrés, Zaragoza. Costa Rica: Alajuela, Zaragoza de los Perales. Cuba: La Habana, Santiago de Cuba, Vereda Nueva. Ecuador: Guapulo, Quito. El Salvador: San Vicente de Austria, San Vicente de Sorenga. Guatemala: Guatemala, Zaragoza. Méjico: Córdoba, Méjico, Montearagón, Monteagudo, Puebla de los Ángeles, Tacuba, Zaragoza, Xalapa (Veracruz). Panamá: Panamá. Paraguay: Villa del Pilar (Nembucu), Meló, Santa Pola de Asunción, Sarandi Grande. Perú: Arequipa, Cuzco, Huancabanba, Lima, Mocro del Pilar, Ocopa, Puerto Maldo-nado. Puerto Rico: Mayagues, Ponce, Río Piedras, San Juan, Yauco. Santo Domingo: Ciudad Trujillo, La Vega, Las Mercedes, Santo Domingo. Uruguay: Fray Bentos, Meló, Montevideu, Sanrandi Grande. Veneçuela: Araure, Acarigua, Barinas, Poblado de Cabimas, Caracas, Cubagua, Charallabe, Poblado del Pilar (Sucre), Barquisimeto, Los Robles, Machiques, Maracaibo, Margarita, Rio Claro. Brasil: Antonina (Curativa), Cápela del Pilar (Recife), Goyana, Itamaracá (Pernambuco), Jaquia de Praia (Alagoas), Jetiva (Victoria), Matriz de Gloria (Largo do Machado), Nova Lima (Bello Horizonte), Ouro Fino, Ouro Preto, Olinda, Pericuara (Sergipe), Pitanguy, Río de Janeiro, San José de Tocantis, San Juan d’o Rei (Minas), Sant Pablo, Sant Salvador, Taubaté.
-Norteamerica: Chicago, Nueva York, Santa Ana (Califórnia), Waco (Texas).
-Filipinas: Baguio, Baleno, Bulalacao, Cayagan (Isabela), Delemiro, Imis, Isabela, Jamaba, Libonga, Lipa, Mabulao (Mindoro), Mampona (Negras), Manila, Mila, Mina, Pilar (Sorsogbn), Pamplona, Prhan, San Fernando, Santa Teresa, Sibonga (Cebú), Sierrabullones (Bool), Sumigao (Mindanao), Tabularan, Tuguerao (Canayan), Villaviciosa, Vitali, Zamboanga.
-Índia: Ahmedabad, Anand, Bombay, Goa, Malabar, Nadiad, Puttemplay (Malabar), Vinalaya.
-Indochina: Bui-Chu, Nghia-Chinh.
-Japon: Hiroshima, Imabari (I. Shikoku), Sophia, Tokio.
-Tierra Santa: Gerusalem.
-Europa: Alemánia: Colónia, Fontilles. Aústria: Viena, Stams (Tirol). Belgica: Hay, Santiago de Namur. Fráncia: Aube, Béziers, Biran, Burdeus, Colombey, Chamberley, Chartres, Lourdes, Montpellier, París, Pau, Pompierre de Lorena, Tolosa, Vital, Le Havre. Holanda: Rotterdam. Inglaterra: Londres. Itália: Bolónia, Catánia, Floréncia, Genova, Mesina, Napols, Palermo, Parma, Reggio Calabria, Roma. Noruega: Oslo. Polónia: Czestochowa. Portugal: Braga, Bragança, Cortisada, Janhoso, Lisboa, Oporto, Toman. Suiça: Ginebra, Interlaken, Lucerna.
Si he de sinyalar tres autos que m'han conmovito, prou que he á charrar d'a ofrenda de flors, que ni a plevita pudo deslucir, con os chilenos residents en Aragon pidindo á la Virgen per os suyos girmans miners, e que á l'atro lo dia estion rescatatos; a ofrenda de fruitos que me parixió mesmo més beroya que a de flors; e, més que més, ixa alfaya que ye o Rosário de Cristal, an que as cuentas d'o rosário son farols de veire que iluminan a nueit d'a ciudat e os coraçons d'os mils de fiels que l'alcompanyan. Qui quiera almirar as pieças puede fer-lo en a Ilésia d'o Sagrato Coraçon de Gesús, en a plaça San Pedro Nolasco de martes á sábado de 10 á 14 e de 17 á 20 horas. Si ademés quiere experimentar o recogimiento e a fe de tot un pueblo que vaiga ta Zaragoça ta l'atro l'anyo.

Disaparixer no ye o mesmo que creixer

2010-10-08T03:45:00.000-07:00

Seguntes o estúdio 'Proyección de la Población de España a Corto Plazo 2010-2020' feito per lo Instituto Nacional de Estadística, a poblacion aragonesa creixerá un 4,3 per ciento en os proximos diez anyos, un percentage superior á la meya nacional, que lo ferá en un 2,7 per ciento. A província de Teruel ye a unica d’entre as aragonesas an que hi havrá un creiximiento vegetativo negativo.
Asinas, aseguran els, en Aragon a poblacion puyará en 56.977 habitadors. Pareix un dato ta l’asperança, pero no. O mesmo estúdio sinyala que naixeran menos aragoneses que no mueran. Cómo ye posible altalle ixe creiximiento nunciato? Per a emigración, prou que sí. E ixo ye o grau, perque no ye solo que a poblacion aragonesa no creixerá pas, ye que a población aragonesa, de siguir asinas, disaparixerá. E antes que no nos creyemos. Perque o grau, o criminal, ye que son os mesmos partitos, os mesmos guviernos, os que, como parti d’una estratégia ta destruyir a nuestra sociedat e fer posible o suyo proyecto d’ingenieria social, han favoreixito una inmigracion incontrolata de tot, e, de vez, han empentato e refirmato o genocídio de l’alborto e refusato qualsiquier plan ta fer creixer a nuestra natalidat. Tot con o unico ogetivo de fer disaparixer, no solo que moral, tamien fesicament, a nuestra civilización.

Glarimas en a plevita

2010-09-24T02:16:00.000-07:00

I've seen things you people wouldn't believe. Attack ships on fire off the shoulder of Orion. I watched c-beams glitter in the dark near the Tanhauser Gate. All those moments will be lost in time, like tears in rain. Time to die.

A cita ye a zaguer parti d’o monologo de Roy Batty -un replicant interpretato, genialment, per Rutger Hauer en a pelicla Blade Runner, de Ridley Scott- quan veye que s’amana t’a muerte suya.
Diz que ixe charraço -que ye, n’a mia opinion, o millor momento d’a pelicla- no aparixeva en o guion original e que estió o própio Rutger Hauer qui lo escrivió e decidió d’incluyir-lo en a escena momentos dinantes de girar-la. Manimenos, n’a suya autobiografia, Hauer aclareix que el simplament talló bellas ringlas d’o charraço, que sí aparixeva en o guion, e adibió a frase All those moments will be lost in time, like tears in rain.
E son ixas parolas, as que adibió Rutger Hauer, as que ha amprato Juan Manuel de Prada ta titolar o suyo nuevo programa, Lágrimas en la lluvia, que fa garras hue, á las diez d’a nueit, en Intereconomía TV. Un títol sobrebueno que ya heva feito servir en un asayo sobre cine e literatura.
O programa fa buena cara. Prada presentará un tema de gran importáncia n’os nuestros dias, e dará paso á una pelicla relacionata con a qüestion planteyata, á la que siguirá una rufierta con convidatos de reconeixito prestígio, per eixemplo don Miguel Ayuso en o programa d’esta mesma nueit.
Coneixendo o livel intelectual e moral de Prada e a suya prevata valura como periodista catolico, o programa será, de seguras, un oasis de libertat e dignidat en metat d’a basuera que nos arredola.
Si a cara ye o mirallo de l’alma, a television ye o mirallo d’a sociedat. Asperemos que con o suyo programa don Juan Manuel aduye á que a sociedat espanyola dixe d’estar a femera que agora i ye.

PD. Qui quiera veyer a escena d'a pelicla, que punche en a pantalla.

L'aranés ye luenga oficial de Catalunya.

2010-09-23T03:10:00.000-07:00

Ahiere, l'aranés se convirtió en a tercer luengua oficial de Catalunya, de conjunta con o espanyol e o catalan. Ixe reconoiximiento oficial significa que a Generalitat asume o quefer de veilar per lo espardimiento e a proteccion d'una luengua que hue charran menos de 5.000 personas (ni sisquiera a metat d'os quasi 11.000 habitadors d'a Val) e que se troba en grau periglo. Asperemos que a lei s'aplique encertadament ta que supose una millora real en as condicions sociolingüisticas d'a val e guarancie o futuro d'o idioma.
Como yera de dar, o PP e Ciutadans s'opuson a la oficialidat de l'aranés, que estableix que o idioma vernaclo ye o preferent en as alministracions publicas d'esta val perinenca. Asinas, qualsiquier ciudadano tiene dreito á estar atendito en aranés
A nueva lei regla tamien l'emplego de l'aranés en a ensenyança e atorga á esta luengua a funcion de "vehiclo d'exprision normal" ta o quefer docent e alministrativo d'as escuelas d'a Val d'Aran.
Tamien os meyos de comunicacion d'a zona han á fer servir l'aranés. An pareix prou més difícil a preséncia d'a luenga, ye en a justícia.
Parabiens á os nuestros vecinos.

Ni una glarima

2010-09-20T11:10:00.000-07:00

Ahiere morió José Antonio Labordeta. Ya de chicoton m'ensenyon que no debe charrar-se malament d'os muertos. Ahiere morió José Antonio Labordeta. Que Dios tienga piedat d'a suya alma. Encara que yo no lo plore pas.

A Santa Cruz d'o Libano

2010-09-14T04:08:00.000-07:00

A cruz luminosa més gran d'o mundo ye estata inaugurata hue en o Pueyo Canabakich, coincidindo con a fiesta d'a Santa Cruz, que se celebra este martes en Orient Meyo.
A cruz tiene una altária de 73 metros e 80 centimetros, en referéncia a l'altária d'o mont Golgota (738 metros), an que estió crucificato o nuestro Sinyor Gesu Cristo e hue se devanta a Ilésia d'o Santo Sepulcro. A instalacion d'este molimento, clamato "cruz de toz os pueblos", en o lugar de Baskenta ye una iniciativa de l'Asociacion Tierra de Dios e d'a orden de monges maronitas.
T'a misa d'inauguracion bi fuen bels deputatos libaneses e mils de fidels, que dimpués d'a ceremónia religiosa solton sisellas e preton fuegos artificials.
A fiesta d'a exaltacion d'a Santa Cruz ricuerda a trobata d'a cruz de Cristo per parti de Santa Elena, mair d'o emperador romano Constantino, o 14 de septiembre de l'anyo 320 d.C.
En o Libano esta fiesta se celebra toz os anyos en os lugars e ciudaz cristianas an que os fidels marchan, reçando e con tiedas, t'os pueyos an que bi ha ficatas cruces.

Reconstruyito o rostro de Pedro III

2010-09-08T03:53:00.000-07:00

As investigacions feitas en os zaguers ueito meses han permitito reconstruyir, con aduya d'a tecnologia 3D, a cara d'o rei aragonés Pedro III a partir d'os reús trobatos en a fuesa d'o monestério de Santes Creus (Tarragona).
Ta informar d'a notícia, una nota de l'agéncia publica EFE sinyalava ahiere que "las investigaciones llevadas a cabo en los últimos ocho meses han permitido reconstruir, con ayuda de la tecnología 3D, la cara del rey catalanoaragonés Pere II el Gran a partir de los restos hallados en la tumba real del monasterio de Santes Creus". Dica en tres ocasions se i clamava a la Corona de Aragón corona catalanoaragonesa, una entidat politica que nunca no existió. Antiparti, ixe Pere II que se menciona en a nota ye en realidat o tercer Pedro d'a dinastia aragonesa.
Dende que se descubrion os suyos reús en o monestério l'anyo pasato, totas as informacions periodísticas de meyos publicos han catalanizato a este monarca d'a corona aragonesa

Desestimata a demanda catalana per lo património aragonés

2010-09-07T08:46:00.000-07:00

Seguntes senténcia dictata per a titular d'o Juzgato d'Instruccion numbro 4 de Lerida, queda platero e esclatero, per si belun no lo sabeva encara, que a diocesis catalana no ye duenya de 87 d'as 112 obras en litígio, como heva pidito en a suya demanda civil l'asociacion d' Amics del Museu de Lleida. Qualcosa que ya hevan fallato, en toz os casos, prou dinantes que os civils, os tribunals eclesiasticos.
Agora solo cal que o sinyor bispe de Lerida se'n entere tamien, faiga cumplir a lei e nos torne o que nos perteneix. Ye de justícia.

Tornata

2010-09-02T04:29:00.001-07:00

Muitas cosas á fer. Belunas, e prou importants, ya feitas. Dimpués de bellas semanatas que no me bagava mica d'escrivir en o bloc, torno; encara que no siga que ta decir que esto contina, que no me'n he olbidato. Me creigo que luego penjaré qualcosa, tanimientres, un abraço en Cristo Rei.

Un atro eixemplo de cómo malfurriar os nuestros diners

2010-06-28T10:23:00.000-07:00

Esta ye una puenda d’ajustes e retallatas economicas. U asinas havria á estar. Pero, ospas, no falta que un anyet t’as venients esleccions e, alavez, ya se sabe…
A noticía ye a siguient: a DGA gastará bels 120.000 euros –20 millons d’as viellas pecetas– en dos estúdios que l’aduyen á saber qué pensamos os aragoneses d’o Executivo autonomico e os servícios que fa. Ye decir, quieren saber a nuestra opinion sobre a suya gestion, ta, dicen els, endreçar as accions futuras e desfer os errors pasatos. Ta ixo, han afirmato recientement dos firmas –la una madrilenya e la otra aragonesa– ta que les den treslau sobre estas qüestions.
Os dos informes s’han tramitato como contratos menors –ye decir, sin concurso publico– e á traviés d’un procedimiento negociato con bellas empresas. Seguntes marca la lei, o suyo importe no puede pasar d’os 60.000 euros (estos quedan tasament 1.000 euros per debaixo).
O primero d’os informes, l’ha encargato o Departamento de Vicepresidéncia. Ye "una investigación sociológica sobre la percepción que tienen los ciudadanos aragoneses sobre el Gobierno de Aragón y los servicios públicos que presta". O contrato s’adjudicó á la firma madrilenya Luis Martín de Dios S. A. o 20 de abril e se tramitó de traça urgent. O suyo coste puya dic’os 59.000 euros més IVA.
Precisament, os presupuestos d’este exercício preveyevan una tallata d’os diners destinatos á esta mena d’estúdios d’un 20%. A DGA tiene ta estianyo un presupuesto de 10,9 millons d’euros ta estúdios e treballos tecnicos.
En o caso d’o segundo contrato, o estúdio se centra més en a participacion ciudadana e a suya concrecion en l’ambito local. Encargato per lo Departamento de Presidéncia s’adjudicó, á primers d’este mes, á la firma zaragoçana Milenium 3 Servicios de Gestión del Conocimiento S. L. O importe d’adjudicacion plega n’os 58.300 euros més IVA.
E tot esto quitato d'os nuestros diners, agora quan toz prevamos de gastar soque o justet e nos miramos dic'o zaguer centimet. Este país fa fástio.

O PSOE, a burka e os crucifixos

2010-06-24T11:00:00.000-07:00

Ahiere, en o senato, o PSOE tornó a fer buena preva d'a suya indecéncia intelectual e moral; qualcosa que, ye verdat, ya no almira a garra gent.
Sí, os mesmos que quieren sacar os crucifixos d'os espácios publicos s'oposon, sin tritolar sisquiera, a que se i viede a burka. Els, que s'emplenan a boca charrando d'a dignidat d'a muller.
A senadora Patricia Hernández sayó d'esfender a suya vergonyosa posicion con intervencions como: "nuestro grupo está más por el diálogo con las administraciones y comunidades musulmanas, con la educación desde el respeto y la igualdad, con las acciones de sensibilización, y con el fomento de la integración".
Án ye ixe respecto quan se tracta, per eixemplo, d'o crucifixo, un simbolo cristiano, tradicional en as Espanyas dende fa més de 2000 anyos, e que no altroxa a dignidat de dengun, sino tot o contrário?
Pero a culpa ye nuestra. A veyer si os catolicos emprencipiamos a reaccionar. E reaccionamos en traças e como cal.

Bellas conseqüéncias d'a crisis

2010-06-23T03:41:00.000-07:00

A tasa de natalidat ha caito un 5% en Espanya, qualcosa que no sucedeva dende 1999. Tamien en Aragon, per primer vegata dende 2001, bi ha havito una baixata en a natalidat, aquí dimpués de nueu anyos á l’arreu creixendo. En Aragon, esta baixata ha tenito incidéncia en o creiximiento vegetativo, que se saldó negativament en 157 personas.
Ademés d’a crisis economica, qualcosa havrá havito á veyer-bi o crimen de l’alborto. Á beluns les faría honra ricordar que as crisis economicas gosan venir quan b’ha una crisis moral.
E, en charrando d’economia e de moral, hemos sabito, tamien ahiere, que mientres o numbro de ricos en Espanya creixió en 16.000 personas o pasato anyo 2009, e plega ya en os 143.000 seguntes un informe feito per Merrill Lynch Global Wealth Management e Capgemini, son, de vez, per cada dia més os espanyols que tienen muitas dificultaz ta fer-se o preu á fin de mes. Á beluns les faria honra ricordar que o liberalismo, ye decir: o capitalismo, ye pecato.

Memória historica

2010-06-22T03:15:00.000-07:00

Agora que beluns no fan que parlar d’a memória historica ta asinas, en manipoliando o pasato, poder fer o present á o suyo implaz, ye menister ricordar bels datos.
O numbro de cristianos martiriciatos, per a suya fe, no pas per garra vinculacion ideologica, durante a guerra civil, seguntes o estúdio d’investigacion historica d’Antonio Montero Moreno, publicato en 1960, puyava ta 6.832, d’os quals 4.184 perteneixevan á o clero secular; doce yeran bispes; un yera alministrador apostolico; qualques yeran seminaristas; 2.365 religiosos e 238 yeran religiosas.
En atro estúdio posterior, feito ta parar o catalogo d’os mártirs cristianos d’o sieglo XX, demandato per lo Papa Juan Pablo II en a celebracion d’o Gran Jubileo de l’Anyo 2000, o historiador Vicente Cárcel Ortí fabla de diez mil mártirs espanyols asesinatos en o devant dito periodo. Os datos son os siguients: doce bispes, un alministrador apostolico, bels siete mil mosens, religiosos e religiosas, e arredol de tres mil seglars, buenacosa d’els perteneixients á Acción Católica.
Ye menister ricordar tamien que l’anticatolicismo salvage e l’engalce religioso emprencípia ya dende o primer dia que se proclama a republica e que no responde pas, como nos quieren fer creyer agora bels historiadors, á garra reaccion popular incontrolata devant de l’Alçamiento Nacional. Asinas, historiadors d’o pretígio de Hugh Thomas reconoixen:
En ninguna época de la historia de Europa, y posiblemente del mundo, se ha manifestado un odio tan apasionado contra la religión y cuanto con ella se encuentra relacionado
Hugh Thomas, La República Española y la Guerra Civil, pg. 257, ISBN 84-7530-847-X
U o tamien historiador e hispanista Stanley Payne testimónia:
La persecución de la Iglesia católica fue la mayor jamás vista en Europa occidental, incluso en los momentos más duros de la Revolución francesa.
Oa asesinatos empencipion ya durante a revolucion d’Asturias de 1934, empentada per lo PSOE, an que trobon a muerte 34 religiosos en episódios como l’asesinato d’os ueito germanos de La Salle e un pair pasionista d’a val de Turon, e resulton danyatas u destruyitas 58 ilésias, o palácio bispal e a Cambra Santa d’a Seu d’Oviedo.
Ta fer-se bella ideya sobre a bestieça e grandária d’o engalce ye prou con reproducir as parolas d’o ministro republicano Manuel de Irujo y Ollo en o suyo memorándum presentato á o consello de ministros o 7 de genero de 1937:
La situación de hecho de la Iglesia, a partir de julio pasado, en todo el territorio leal, excepto el vasco, es la siguiente: a) Todos los altares, imágenes y objetos de culto, salvo muy contadas excepciones, han sido destruidos, los más con vilipendio. b) Todas las iglesias se han cerrado al culto, el cual ha quedado total y absolutamente suspendido. c) Una gran parte de los templos, en Cataluña con carácter de normalidad, se incendiaron. d) Los parques y organismos oficiales recibieron campanas, cálices, custodias, candelabros y otros objetos de culto, los han fundido y aun han aprovechado para la guerra o para fines industriales sus materiales. e) En las iglesias han sido instalados depósitos de todas clases, mercados, garajes, cuadras, cuarteles, refugios y otros modos de ocupación diversos, llevando a cabo -los organismos oficiales los han ocupado en su edificación obras de carácter permanente. f) Todos los conventos han sido desalojados y suspendida la vida religiosa en los mismos. Sus edificios, objetos de culto y bienes de todas clases fueron incendiados, saqueados, ocupados y derruidos. g) Sacerdotes y religiosos han sido detenidos, sometidos a prisión y fusilados sin formación de causa por miles, hechos que, si bien amenguados, continúan aún, no tan sólo en la población rural, donde se les ha dado caza y muerte de modo salvaje, sino en las poblaciones. Madrid y Barcelona y las restantes grandes ciudades suman por cientos los presos en sus cárceles sin otra causa conocida que su carácter de sacerdote o religioso. h) Se ha llegado a la prohibición absoluta de retención privada de imágenes y objetos de culto. La policía que practica registros domiciliarios, buceando en el interior de las habitaciones, de vida íntima personal o familiar, destruye con escarnio y violencia imágenes, estampas, libros religiosos y cuanto con el culto se relaciona o lo recuerda.
Uno d’os eixemplos més sinyalatos entre os casos d’a brutalidat revolucionária durante o verano de 1936 sucedió en a diocesis de Balbastro, a de mayor mortandat d’o país, an que s’asesinó á 123 d’os 140 mosens, ye decir, o 88% d’os suyos miembros, incluyendo-bi o suyo bispe, cruelment martiriciato, ademés de 51 flaires claretianos, 18 benedictinos e 9 escolápios
En Balbastro se puede visitar o museu adedicato á os 51 mártirs claretianos. O suyo horário ye de martes á domingo de 10 á 13 e de 16 á 19 horas. O luns ye trancato. A visita ye gratuita. S'aceptan donativos voluntários. L'adreça ye carrera Conde nº 4 de Balbastro.

A crisis e as olimpiatas

2010-06-16T10:13:00.000-07:00

Bi ha crisis. Nos n’hemos enterato toz. Toz defuera d’os nuestros politicos. Ixos que havrian á estar os nuestros representants e que no son que os nuestros malfurriadors.
Un atro eixemplo: a candidatura d’os Juegos Olimpicos Zaragoça-Pirineus 2022 conta con un presupuesto de 300.000 euros que, seguntes os suyos caporals, son os neseçarios ta fer garras. Dimpués en vendran més, prou que sí. Se coneix que as nuestras pochas son grandiças e bogals.
Per agora, ta fer boca, ya bi ha un gerent d’o Consórcio d’a candidatura que s’ha constituyito á Zaragoça. Se clama Manuel Fonseca e tiene un sueldo de bels 120.000 euros. No sé quantos pribilegiatos més cobraran d’ixe consórcio e qué cantidaz recibiran per lo suyo treballo, pero en vistas de que o consórcio ixe tiene a participación d’o Guvierno d’Aragon, a Deputacion e o Concello de Uesca, o Concello de Zaragoça e o Concello de Jaca, m’entrefilo lo pior.
O jurato gran de Zaragoça, Juan Alberto Belloch, ha nunciato que a primer actuacion d’o debandito consórcio será crear un Consello Consultivo an que i participen as organizacions empresarials aragonesas, os sindicatos UGT e CCOO, a universidat publica e a privata e as Cortes regionals.
Muita gent que ficar-bi. Muitos diners que sacar-nos.

Enqüesta sobre a oficialidat

2010-06-15T01:15:00.001-07:00

Seguntes una enqüesta publicata per lo diário El Mundo o pasato 4 de junyo, un 65,6% d’os aragoneses ye á favor d’a oficialidat de l’aragonés. A cifra ye prou significativa perque amostra, paradogicament, una trista realidat: a nuestra luenga tiene muito més refirme entre aquels que no la parlan que entre os que sí.
E digo que esta realidat ye trista perque que tota ixa gent siga á favor d’a oficialidat de l’aragonés no quiere decir pas que tiengan bella intencion d’aprender-lo; e perque, o ye mesmo pior, os pocos charradors d’aragonés que encara en quedamos no femos garras ta mantener-lo vivo.

Si as cosas no cámbian á saber-lo, l’aragonés no pervivirá como luenga materna d’una comunidat, ni sisquiera d’una comunidat chicotona como ye o caso agora, sino que será, en o millor d’os escenários, a segunda luenga de bellas personas que lo feran servir, con millor u pior competéncia, en bellas situacions prou concretas. Ye decir, l’aragonés dixará d’estar un idioma ta tornar-se un feito purament folclorico, como lo trage ansotano u as navatas d’a mia terreta, que tasament esbellugan que una vegata en l’anyo como espectaclo etnografico; muito interesant e digno, pero solo que espectaclo.
Per lo contrário, o 67,7% d’os enqüestatos refusa que se considere o catalan como luengua oficial d’Aragon, qualcosa que no fa a lei de luengas, que no declara oficials ni á l’aragonés ni á o catalan d’Aragon.
Pro á fes que ixa yera a verdadera intencion d’a enqüesta d’El Mundo, oposar-se á l’oficialidat d’o catalan en Aragon. Degraciadament e trista, ixa ye tamien a postura mayoritária d’os aragoneses en politica lingüistica: negar-se de tot á la preséncia de qualsiquier coseta que sone á catalan e una grandiça indiferiéncia, més u menos amable, ent’o resto d’o problema.

Atros dos concellos contr'a lei de luengas

2010-06-14T02:29:00.000-07:00

Os concellos d’Aguaviva e La Ginebrosa s’han adibito á o recurso d’inconstitucionalidat presentato contr’a Lei de Luenguas aprevata n’as Cortes regionals o zaguer mes de diciembre. Toz os dos concellos son guvernatos per lo PAR e s’ajuntan á os atros nueu consistórios que o venient 18 de junyo demandaran á o Tribunal Constitucional a suspension cautelar de l’aplicacion d’a lei. En junto ya en son 11 os lugars que refirman o devandito recurso. Son concellos guvernatos per PP u PAR, encara que beluns han tenito o refirme d’os juratos socialistas d’o lugar. Os monecípios son Fraga e Lascuarre en Uesca; Fayón e Nonaspe en Zaragoça e La Codoñera, Torre del Comte, Fórnoles, La Fresneda, Valderrobres, Aguaviva e La Ginebrosa en Teruel.
Per lo que fa á os lugars de luenga aragonesa, continamos asperando qualque reaccion, perque, per agora no’n ha havito garra, ni á favor ni en contra. Se coneix que esto d’a lei de luengas á nusatros rai. Qué pena.

As Cortes d'Aragon e a muerte digna

2010-06-09T11:10:00.000-07:00

As Cortes d’Aragon reglarán o dreito a la muerte digna (yo coneixeve o dreito a la vida, no pas a la muerte) dimpués de fer adempríbio lo Pleno d’a proposa de lei de Izquierda Unida, esfendita per l'unico deputato d’a coalicion, Adolfo Barrena, qui, entre atras fateças, soltó sanselatas d’a mena: "la vida es un fenómeno natural, no es un regalo divino, como pretenden hacer creer algunas confesiones" u "morir dignamente es más que morir libre de dolor, es más que contar con los medicamentos que se requieran; es el último derecho que debemos y podemos ejercer". E se quedó tan satisfeito.O portavoz de Chunta Aragonesista, Chesús Bernal, amonstró o suyo refirme a esta proposa de lei e, ta no esmereixer á IU, exprisó que "una de las seguridades que se han manifestado a lo largo de la Historia de la Humanidad es que la muerte es algo indisolublemente unido a la vida". "La muerte no hay que tomarla como algo especialmente trágico, sino que hay que tomarla como parte del final de la vida", continó Bernal, qui opinó que "hay que asumirla como algo natural". A esto anyedió que "la vida es un derecho, no un deber". En zagueras se preguntó si bi ha qualcosa més "íntima" que decidir librement o destino d’a própia vida. Tot un saputaz o sinyor Bernal.
O socialista Eduardo Alonso s’amanó a o livel intelectual d'o Pleno adivindo que l’avellamiento d’a poblacion ha feito creixer o numbro de pacients con malotias terminals (se coneix que le fan estorbo) e comentó que "hay una inseguridad jurídica" sobre o tema, encara que o dreito a la muerte digna (e truco) ha refirme social arrienda (ixo dice él, pro á fes).
Alonso consideró positivo ubrir un debate n’o Parlamento autonomo sobre o tema e recomendó fer-lo sobre casos como lo d’o gallego Ramón Sampedro u o clamato Caso Leganés (qué parella de modelos, sí sinyor) e exprisó que "es un tema de máxima actualidad", pos a comunidat cientifica premiará os logros en a luita contr’a dolor n'a venient edicion d’os Premios Príncipes de Asturias (que ye o que b’ha que fer, achiquir a dolor siempre que siga posible e adempribiar en tot caso a voluntat de Dios).
O portavoz d’o PAR, Javier Callau, sinyaló que a iniciativa de IU proposa o que ya se fa per un regular en os centros sanitários con personal e meyos especializatos en cudiatos paliativos e, siguindo o costumbre d’o suyo partidet, s’abstuvo.
O portavoz sanitário d’o PP, Ricardo Canals, refusó a iniciativa e exprisó que o PP "no se fía en este tema de Izquierda Unida" (¿en os atros sí?), e consideró que a proposa de ley "es una trampa". Canals preguntó quán emprenzípia o proceso de muerte e sinyaló que "hemos pasado de aceptar la muerte como un proceso natural a rechazar la muerte exigiendo a la medicina que nos libere de ella". Tamien opinó que os centros sanitários son esdeventitos "un centro místico" t’an que se i va a naixer e morir (no sé qué carallo quiso decir con ixo, pero tampoco no se me da mica, a verdat). Afirmó que a iniciativa legislativa de IU ye un plágio d’a lei aprevata per lo Parlamento andaluz sobre o tema e recomendó a Barrena que leve a proposa t’as Cortes Generals, an que, digo yo, sería refusata con a boca chiqueta per lo PP ta dimpués, ya aprevata, trascar-la de buen implaz e dar-la per buena si nunca tornasen t’o poder. Exactament como ya fiçon con l’alborto, per eixemplo.

Manifiesto per lo património

2010-05-31T09:52:00.000-07:00

Como quasi toz ya sabrez, o Heraldo de Aragón ha empentato un manifiesto ta reclamar o que nos perteneix: as obras d'arte aragonesas que continan en o museu de Lérida á penar d'as senténcias d'o Vaticano á o respective. Per si alcaso belun no ha leyito encara o manifiesto puede fer-lo aquí.
E ta refirmar-lo cal punchar aquí.
S'agradeix l'aduya. No queremos que o que ye nuestro. No queremos que justícia

malfurriar regional

2010-05-18T04:17:00.000-07:00

A cifra parla soleta. Quasi mesmo chila. As alministracions nos costan en Aragon 10.118 euros a l’anyo per ciudadano. Ta que tos faigaz una ideya: solo que a os extremenyos, d’entre as comunidaz de regimen comun, les costan as suyas alministracions publicas encara més que a os aragoneses.

O coste de tot o tarabidau institucional que b’ha amontato en Aragon costa més de 13.000 millons d'euros a l’anyo. Ye a suma d’o gasto que apuyala la DGA, o Guvierno central e as numbrosas institucions locals d’a comunidat. Perque en Aragon, ademés de concellos e diputacions provincials, tenemos tamien comarcas.

Tota ixa burocrácia, que no fa mica funcion, suposa un coste per habitador de més de 10.118 euros; 300 euros per dencima d’a meya espanyola, seguntes os datos d’o Ministério d’Economia e o Instituto Nacional d’Estadistica. Asinas en Aragon, que represienta quasi o 10% d’a superfície d’a nacion e o 3% da suya poblacion, treballan 92.388 personas en as institucions publicas.

A estos datos caldria adibir o personal que treballa n’as empresas publicas. Ni son funcionários ni personal estatutário, pero cobran tamien de tot o que se quita a traviés d’os nuestros impuestos. Encara que no bi ha una cifra exacta, fuents d’a Corporacion d’Empresas Publicas d’Aragon han sinyalato que, de meya, as empresas d’a DGA tienen afirmatas a 1.500 personas a l’anyo. Como eixemplo, una sola sociedat controlata per lo Egecutivo aragonés, como ye Sodemasa, adedica a o gasto de personal més de 23 millons d’euros anyals, seguntes o zaguer informe oficial publicato. Estas contratacions gosan estar prou pacinas e de mal fiscalizar.

Cal sinyalar antiparti, a puyata en o capítol de gastos corrients que en as zaguers quatre anyatas, ha venito fendo a DGA, o que fa per cada dia més costosa l’alministracion ta os aragoneses. Ta caramuello, de vez que puyavan o gasto de personal e os diners adedicatos a gastos corrients, baixavan, e muito, as partitas enfilatas a inversions.

Tamien l’alministracion local tiene muita importáncia en a region. Si charramos d’os suyos presupuestos, solo que o concello de Zaragoça gestiona 767 millons d’euros, igual como atras grans capitals d’Espanya, pero con livels de deuta prou superiors a la meya. E nos ne quedan as diputacions provincials e as comarcas, institucions que tienen buenacosa d’as suyas competéncias repetitas.

Tot este rete d’institucions fa que Aragon seiga entre as regions con un mayor percentage d’a suya poblacion activa dependient salarialment d’as institucions publicas, més d’o 20 per ciento d’os treballadors seguntes bellas fuents. Asinas imos.

Sant Jorge n'a história d'Aragon

2010-04-21T04:16:00.000-07:00

Diz que o suyo nombre yera Jorge e que yera soldato romano en Capadócia. Diz tamien que morió mártir o 23 d’abril de 303. Coneixito como “o grant mártir” ye venerato dende o sieglo IV en buenacosa d’a Cristiandat. A suya fiesta liturgica s’ha celebrato siempre o 23 d’abril, tanto n’os calandários orientals, como n’o romano e n’o hispano-moçarabe.
En Aragon a devocion á Sant Jorge, presentato como ideyal d’o caballero cristiano, alquirió muita importáncia á partir d’o sieglo XII, grácias á las ordens militars , á os relatos d’os cruçatos e, més que més, á la Casa Reyal aragonesa.
A suya figura se relacionó con a baralla d’Alcoraz (Uesca) de 1096, n’a que amontato á cavallo, havria aduyato á l’eixercito d’o rei Pedro I .
En 1201, Pedro II fundó a orden militar de Sant Jorge d’Alfama en un castiello aman á Tortosa, e Jaime I empentó a fundacion de cofradias baixo a mesma advocacion en os suyos domínios, como as naixitas en Uesca e Teruel en a primer metat d’o sieglo XIII. O mesmo rei conquistador, en a suya Coronica , recenta que Sant Jorge, «cavallero blanco con armas blancas», aduyando á os eixercitos aragoneses, yera estato visto por cristianos e moros en bellas barallas, per eixemplo as de Valéncia e Mallorca. Seguntes o cronista Ramón Muntaner (1265-1336), o chilo de luita durante a expedicion aragonesa á Orient yera «Aragó, Aragó, Sant Jordi». Atra Coronica, a de Pedro IV, escrive que Sant Jorge «estió siempre e ye avogato d’as barallas d’a Casa d’Aragon».
Sant Jorge ye estato formalment patrono d’Aragon dende la Edat Meya. Asinas Juan II d’Aragon e Navarra lo nombra patron d’o Reino e d’a Diputacion d’o General, prencipal institucion foral en caso de no estar convocatas as Cortes.
A Seu e o concello de Uesca, dende lo menos primers d’o sieglo XV vienen celebrando a suya fiesta con solemnidat liturgica e procesion t’a ermita d’o santo, que ye en o Pueyo de Sancho. Juan II de Aragón y Navarra, que lo nombra patron dò Reino e d'a Deputacion d'o General, principal institucion foral en caso de no estar clamatas as Cortes.

Malfurriar comarcal

2010-04-09T04:00:00.000-07:00

En Aragon a comarca ye una entidat historica apreciata per a gent. Á diferienzia d'a província, que no ye que una division alministrativa recient e que quasi dengun no siente como própia, toz nusatros tenemos un vinclo muito especial con a nuestra comarca. Per ixo, tornar ta ixa organizacion yera una revindicacion que refirmávanos muitos aragoneses dende ideologias á saber qué diferents.
Manimenos, ascape vídenos que a cosa no feva mica buena cara quan comprevemos ixorrontatos como s'esfevan comarcas historicas, como se deseparavan muitos lugars d'a suya comarca tradicional u como se i creava comarcas artificials sin garra alacet. Tamien ascape vídenos como tot se reduciva á una qüestion burocratica, una nueva traça de colocar á os amigos u á os familiars, un nuevo meyo de texir un rete clientelar.
Perque, que belun me diga qué nuevos servícios nos fan á los aragoneses estas entidaz comarcals u como han amillorato a gestion de servícios ya existents.
Ixo sí, malfurriar prou que saben. Bels datos:

-Quasi quatre de cada diez euros d'o presupuesto d'estas institucione son ta pagar nominas. Bellas 2.100 personas treballan en as demarcacions.

-O gasto de personal n'as comarcas aragonesas ha puyato un 12% o zaguer anyo. E ixo encara que a crisis economica ha feito que o presupuesto global d'as entidaz supramonecipals en o exercício 2009 solo creix un 2,9%. Si esta cifra se compara con a de 2003, a partita reservata á os treballadors s'ha més que doplato. As cifras parlan: o 38% d'as cuentas generale (quasi 56,2 millons d'euros) se fa servir ta pagar á o personal contratato per as comarcas, mientres que fa seis anyos o porcentage yera o 18%. Esto supsa que agora quasi quatre de cada diez euros s'emplegan en pagar nominas.
Asinas se quaterna n'os zaguers presupuestos d'as 32 comarcas publicatos en o Boletín Oficial de Aragón e que corresponden á 2009. O gasto proporcional en personal ye especialment significativo en bellas comarcas como Monegros, an que suposa un 64,47% (en este caso, se destinan dos de cada tres euros á esta fin). En atras quatre, més d'a metat d'o presupuesto s'adedica á pagar á os treblladors: Baixo Aragon, Baixa Cinca, La Llitera e Semontano de Balbastro.

-Si se compara o numbro de treballadors con o d'habitants puede concluyir-se que b'ha un contratado per cada 617 habitants. Entre totas as comarcas, a plantilla en 2009 puyava dica os 2.152 emplegatos. O dato inclui o numbro de funcionários (tasament o 6%), personal laboral, eventual, mainates de gabinet e asesors. Estos zaguers son cargos de confiança, que suman ya vente (en 2005 yeran nueu eventuals). Quatre d'esta ventena yeran afirmatos per a comarca Comunidat de Calatayut.

-En as 33 comarcas (anque a Mancomunidat Central de Zaragoça encara no ye constituyita como tal) bi ha 837 consellers. O numbro correspondient á cada delimitacion depende d'a poblacion e va d'entre os 19 ta os 39. Á esto cal sumar os sueldos d'os presidents u gerents, que varian. En a Ribera Baixa o president, per eixemplo, percibe 51.426,90 euros á l'anyo.

Per os nuestros fillos

2010-04-07T10:39:00.001-07:00

Emprencípian as reaccions cuentr'a lei de luengas

2010-03-30T14:45:00.000-07:00

Mientres que nusatros, en l’ária aragonesofona, pareix que no nos n’hemos enterato mica d’a lei de luengas, a gent de l’Aragon oriental emprencípian a fer garras, e no pas a favor d’o texto precisament.

Si fa bels dias os vecinos de La Codoñera, en Teruel, no dixavan que CHA fes un acto en o lugar ta explicar-hie dita lei, son agora nueu concellos d’o este d’Aragon os que han demandato a o Consejo Consultivo de Aragón a emision d’un dictamen preceptivo, e no pas vinculant, sobre a constitucionalidat d’a norma dato que, seguntes els, invade competéncias monecipals.

Se tracta d’os monecípios oscenses de Lascuarre e Fraga; os terolanos de Fórnoles, La Codoñera, La Fresneda, Torre del Compte e Valderrobres, e os zaragoçanos de Fayón e Nonaspe.

Deçaga d’a iniciativa ye o PP ―toz os concellos son guvernatos per ixe partito defuera de La Codoñera, que tien jurata gran d’o PAR― que fa, de nuevas buena preva d’a suya demagógia e incoheréncia. O senador popular Manuel Blasco, que ha alcompanyato a o representant legal d’os juratos grans ta o registro d’a Diputación General de Aragón ha dito a os meyos de comunicacion que os nueu concellos, a os que en pocos dias se podrian unir belatros, se creyen que a lei de luengas exerce una clara invasion n’a suya autonomia monecipal. Ha adibito que si o Partido Popular tien bel dia "capacidat de guvierno, derogará u modificará a lei".

A campanya t’as monecipals s’amana. O tema remata de fer soletas e nusatros, os que encara charramos aragonés, pareixemos haver-nos quedato zamuecos.

As mentiras d'o nacionalismo catalan

2010-03-25T05:38:00.000-07:00

O nacionalismo catalan naix d’a mentira, apresigue a mentira e, doncas, nesecita d’a mentira ta continar existindo. No ye d’almirar que o guvierno catalan torne, una atra vegata, á manipoliar a nuestra história comun ta poder mantener vivas as suyas barucas imperialistas.
Qualsiquier desincusa ye buena ta espardir as suyas falsedaz. Aproveitan agora o desinterramiento d’os reús d’o rei Pedro III d’Aragon. Asinas, en os primers estúdios feitos á conoixer per a Generalitat sobre o calavre reyal, han tornato á repetir as suyas cutianas mentiras e n’a nota de prensa facilitata per o guvierno catalan fevan mencion á o "rei Pere II el Gran" e, n’os textos historicos d’o dosier de prensa, bi incluyivan una biografia d’o monarca que empencipiava decindo que "estió rei de Catalunya, Aragon e Valéncia". Ademés, en o analís d’as fuesas reyals se parla "de reis catalano-aragoneses". En a web d’a Generalitat se incluyiva tamien un monografico sobre "Pere II el Gran" an que se charrava bellas vegatas d’a "Corona Catalano-aragonesa" e, de nuevas, d’os "reis catalano-aragoneses".
B’ha que ricordar que a denominacion correcta ye Pedro III, rei d’Aragon; Pedro I (u Pere I), rei de Valéncia u Pedro II (u Pere II), conde de Barcelona; pos un condato, e no atra cosa, yera Barcelona (Catalunya ni sisquiera teneva altalle garra entidat politica). O pasato mes de noviembre, en o primer episódio d’esta polemica, o catedratico d’História Antigua Guillermo Fatás, sinyaló que o feito de "que os catalans tenesen rey se debe á que o suyo sobirano yera rei, no pas á que Catalunya fues garra reino". O tamien catedratico d’História, d’a Universidat Autonoma de Barcelona, José Enrique Ruiz-Domènec sinyala que Catalunya "nunca no estió independient" e que "Corona d’Aragon" ye a denominacion adequata. Manimenos, muitos meyos de comunicacion tornavan á parlar de "Corona catalano-aragonesa" en comentar esta notícia.
Nusatros tenemos a verdat, pero els tienen o poder politico e o poder economico. No nos ne queda, una atra vegata, que resistir-hie firme.

Salvages esferras contra os cristianos en Nigéria

2010-03-17T11:43:00.000-07:00

Á lo menos 500 labradors cristianos son estatos muertos á machetaços e crematos vivos per pastors musulmans en o estato de Plateau, Nigéria. O estato de Plateau, se troba entre o Norte, de mayoria musulmana, e o Sur, habitato més que més per cristianos.

As piors enrestitas han tenito puesto en os lugars de Zot e Dogo-Nahawa.
Muitas d’as victimas yeran mullers, belunas mesmo emprenyatas, e ninos de totas as edaz.
O Foro d’os Cristianos d’o Estato de Plateau ha denunciato a pasividat d’o exercito ta aturar una esferra que dura més d’una decada. A verdat, ye que millor caldria charrar de complicidat entre as autoridaz, políticas e melitars, e os asesinadors musulmans. De feito, esta mena de violéncia bi ha causato mils de muertos en o estato n’a zaguer decada, pero dengun no’n ye estato considerato taute, adibe o Foro d’os Cristianos.
O principal partito d’a oposicion nigeriana Action Congress (AC) pidió "accions concretas ta rematar con a impunidat" en puesto de "glarimas de crocodilo". Seguntes esta formacion, 5.000 personas son estatas asesinatas dende 2001 en a region de Jos.

Propuesta d'ortografia (e 2)

2010-03-11T04:25:00.000-08:00

Decive, en o mensage anterior, que a propuesta d'ortografia d'o Instituto Aragonés de Filolochía me pareixeva prou buena, pos no, rectifico: dimpués d'haver-la leyita á bonico (e haver-la prevata "n'a intimidat"), la trobo prou fata.
Seré breu: esta propuesta me pareix incoherent de tot, tan centrata en l'adaptacion de neologismos que se'n olbida d'a luenga viva, pensata unicament ta justificar a existéncia d'una asociacion que s'atorga la oficialidat d'una académia quan no lo ye. Mica honra se fa asinas á la luenga. Bels eixemplos:
-Se renúncia á la grafia J e G, á favor d'a grafia CH, ta representar o fonema palatal oclusivo xordo perque caldria fer un listato de parolas que s'escrivisen con G/J e atras que s'escrivisen con CH. Manimenos, sí se fa ixe listato ta saber qué parolas s'escriven con ZE/ZI en puesto de CE/CI (per cierto, belun me podria explicar qué raçons b'ha ta escrivir con z, e no con c, arabismos como alguacil u alacet? Qué ganas d'embolicar as cosas!)
-Tamien ye incomprensible no escrivir a G/J etimologica pero sí a QU etimologica, que presienta o mesmo problema (un charrador no puede saber, intuitivament, que s'escrive ricuerdo e no *riqüerdo). Apareixen, asinas, representacions tan fieriças como chent u psicolochía. Ospa, u s'escrive chen u s'escrive gent; u s'escrive sicolochía u s'escrive psicologia, no pas ixos mesclallos injustificables que no fan mica aduya á una dignificacion d'a luenga.
-Prou incoherent ye tamien escrivir puent con a T zaguera, pero escrivir pon u soben sin ixa letra.
-Cómo ye posible escrivir lición pero tamién escrivir accento? Per qué escrivir sciencia pero no, per eixemplo, amonstrar? Per qué escrivir filharmonía pero no rhinoceront? Per qué escrivir charrín-charrand pero no pas quand? Per qué escrivir tractar e tamien retrato? Cómo han decidito qué letras mutas cal representar e quáls no?
-Per qué se presientan como normativos localismos como ell, ells, bells, dotze, tretze, etc.?
-Per no charrar de representacions graficas como hopar per jopar u diocesi per diocesis holio per jolio, etc. que fan redir (u plorar).
Á la finitiva, una grafia que no dignifica o idioma (escrivir cheografía, adchunto u apocalipsi ni prestígia guaire l'aragonés ni fa mica parella con a pretension etimologista d'as atras solucions presas); una grafia que no ye mica practica (con tantas contradiccions e arbitrariedaz se fa de prou mal escrivir); una grafia que tasament pareix feita ta diferenciar-se d'as grafias ya existents. Encara que ta ixo seiga incoherent arrienda.

Propuesta d'Ortografia

2010-02-19T04:13:00.000-08:00

O Instituto de Filolochía Aragonesa ha feito publica a suya propuesta d'ortografia t'a nuestra luenga.
Dimpués d'una simpla golladeta -caldrá estudiar-la á bonico, prou que sí- me pareix un decumento de treballo prou sensato e realista (sí, m'asperava qualcosa pior, a verdat). Encara que no me creigo que o devandito Instituto seiga una asociacion més legitimata que no as atras ta prener decisions sobre a normativizacion de l'aragonés, me creigo, tamien, que no ye o momento, data a situacion d'a luenga, ta continar con as pecinas personals, os protagonismos individuals e as posicions maximalistas que tanto mal han feito á l'aragonés.
S'ubre agora un tiempo ta o debate (ta fer enmiendas punchar aquí: ortografia). Sisquiera s'olbiden as qüestions personals, e entre toz sepamos amillorar o borrador presentato.

A verdadera Andalucia

2010-02-16T03:26:00.000-08:00

Dende este humilde bloc tamien refirmamos o manifiesto que, respective á o verdadero pair d'a pátria andaluça, sinyan e esparden una colla d'andaluces de bien:

28-F, CON “EFE” DE FERNANDO
Nosotros, andaluces de las actuales provincias de Andalucía, orgullosos de nuestra
tierra, de nuestra identidad y de nuestras raíces amamos a nuestra Patria y queremos celebrar nuestro Día de Andalucía ofreciendo este manifiesto a todas las asociaciones, de la naturaleza que sean (juveniles, culturales, deportivas, sociales,y cualquier otro tipo de colectivos establecidos en nuestra comunidad autónoma, etcétera…), con la sola condición de que sean asociaciones que arraiguen en Andalucía, para que las mismas puedan adherirse a este Manifiesto desde el momento en que lo hacemos público y sin que se clausure bajo ningún plazo establecido.
Redactamos este Manifiesto para expresar pública, libre y voluntariamente que:
1º. Reconocemos como Padre de Andalucía a Fernando III “el Santo”, Rey de Castilla, Toledo, León, Galicia, Sevilla, Córdoba, Murcia, Jaén.
Siéndolo, en primer lugar, por las cualidades humanas que concurrieron en su personalidad histórica, reconocidas por sus vasallos y enemigos; pues, tal y como reza su epitafio, Fernando III el Santo fue “el más leal, el más verdadero, el más franco, el más esforzado, el más apuesto, el más granado, el más sufrido, el más humilde”. En segundo lugar, es Padre de Andalucía por la proyección histórica de su labor reconquistadora, incuestionable causa de nuestra actual Andalucía (progenitor inmediato de los Reinos de Jaén, Córdoba y Sevilla cuando los reconquistó por su propio brazo; ancestro mediato del resto de provincias hermanas que si no lo tienen como Padre, bien lo podrían tener como Abuelo). La paternidad histórica de Fernando III el Santo no puede rechazarse por ningún andaluz bien nacido; sólo un ignorante podría abjurar de su verdadero origen.
2º. Bajo la égida de la regia figura de Fernando III el Santo fueron felizmente reintegrados a España los territorios españoles que sufrieron siglos de infeliz y terrible esclavitud, sometidos a una cultura extraña y fanática, brutal e invasora que reconocemos como hostil a nuestras libertades y ajena a nuestro propio ser andaluces.
3º. Por las felices victorias del Rey Fernando III se establecieron en nuestro amado suelo patrio nuestros antepasados; solar que les fue arrebatado mediante una invasión: por la fuerza bruta, cruel y sanguinaria, y por la traición de algunos. Siglos y siglos de tinieblas fueron los que sufrió Andalucía, bajo un poder extraño que la sumergió en la noche más lóbrega y sórdida de la barbarie. Fernando III trajo la luz.
4º. Nos vemos forzados a reclamar la paternidad histórica de Fernando III el Santo, tras haber sido puesta en cuestión por nuestro Parlamento de Andalucía cuando, en 1983, impuso -en el Preámbulo del Estatuto de Autonomía para Andalucía- como “Padre” de la misma a un personaje partidista, que ni representa ni puede representar legítimamente a la totalidad del pueblo andaluz, por mucho que sus partidarios le presupongan una paternidad que dicho personaje –cuyo nombre silenciamos a propósito- no puede tener.
5º. Reclamamos que las autoridades políticas de la Comunidad Autónoma Andaluza reconozcan a Fernando III el Santo como indiscutible y exclusivo Padre de Andalucía. Será así como podrán suturar el abismo que la clase política abrió entre ella y el auténtico pueblo andaluz que dice representar. Para que la distancia que cada vez separa más a la clase política del pensar, el querer y el sentir del pueblo no se agrande más.
Y, para que ello surta efecto, suscribimos este manifiesto, el cual se hará público todos los 28 de Febrero, Día de Andalucía, para que todos los 28 de Febrero, éste como los que estén por venir, se escriban con “F” de Fernando, y no con “F” de Falso.